15:08, 27 - مامىر 2019 | GMT +6
ق ر پرەزيدەنتى: ازاماتتاردىڭ ءومىر ساپاسىن ارتتىرۋ ءۇشىن ءادىل الەۋمەتتىك ساياسات كەرەك
نۇر- سۇلتان. قازاقپارات - قاسىم- جومارت توقايەۆ جامبىل وبلىسىنىڭ اكىمى اسقار مىرزاحمەتوۆتى قابىلدادى، دەپ حابارلايدى اقوردانىڭ باسپا ءسوز قىزمەتى.
مەملەكەت باسشىسىنا ءوڭىردىڭ الەۋمەتتىك- ەكونوميكالىق دامۋىنىڭ نەگىزگى كورسەتكىشتەرى مەن مەملەكەتتىك باعدارلامالاردىڭ ورىندالۋ بارىسى تۋرالى باياندالدى.
قازاقستان پرەزيدەنتى ازاماتتاردىڭ ءومىر ءسۇرۋ دەڭگەيىن ارتتىرۋ ماقساتىندا ءادىل الەۋمەتتىك ساياساتتىڭ جۇزەگە اسىرىلۋىنا باسىمدىق بەرۋ كەرەك ەكەنىن اتاپ ءوتتى.
- وبلىس باسشىلىعىنان اتالعان ماقساتتارعا جەتۋ باعىتىندا باستامالار مەن ناقتى شارالار قابىلداۋ تالاپ ەتىلەدى، - دەدى قاسىم- جومارت توقايەۆ.
مەملەكەت باسشىسى جامبىل وبلىسىن ودان ءارى دامىتۋ تۋرالى ءبىرقاتار ناقتى تاپسىرمالار بەردى.