نۇرسۇلتان نازاربايەۆ پەن قاسىم-جومارت توقايەۆ استانا ەكونوميكالىق فورۋمى جۇمىسىنا قاتىسۋدا
«ىنتالاندىرۋشى ءوسۋ: ادامدار، قالالار، ەكونوميكالار» تاقىرىبىندا ءوتىپ جاتقان فورۋم جۇمىسىنا الەمنىڭ 74 ەلىنەن ساراپشىلار، ساياساتكەرلەر، بيزنەسمەندەر مەن عالىمدار قاتىسۋدا. تىركەلگەن دەلەگاتتاردىڭ جالپى سانى 5492 ادامدى قۇرايدى. ا ە ف-2019 شەتەلدىك جانە قازاقستاندىق ب ا ق تاراپىنان دا ۇلكەن قىزىعۋشىلىق تۋدىردى. 30 ەلدەن 710 نان استام ب ا ق وكىلدەرى قاتىسۋدا.
فورۋمعا قاتىساتىن شەتەلدىك قوناقتاردىڭ قاتارىندا حالىقارالىق ۆاليۋتا قورىنىڭ باسقارۋشى ديرەكتورى كريستين لاگارد، قىتاي حالىق رەسپۋبليكاسى مەملەكەتتىك كەڭەسىنىڭ ۆيتسە-پرەمەرى حان چجەن، ارمەنيا رەسپۋبليكاسىنىڭ پرەزيدەنتى ارمەن ساركيسيان، Nokia Corporation ديرەكتورلار كەڭەسىنىڭ ءتوراعاسى ريستو سيلاسماا، ەكونوميكا بويىنشا نوبەل سىيلىعىنىڭ لاۋرەاتى سىندى تانىمال تۇلعالار بار.
ا ە ف-2019 تەڭدەسى جوق بولىپ تابىلادى. 12 جىل ىشىندە العاش رەت ونىڭ قابىرعاسىندا ەكى كۇن ىشىندە 50 دەن استام سەسسيا مەن ءىس-شارالار وتەدى. فورۋم تاريحىندا العاش رەت ستۋدەنتتەر مەن جاستار ءىس-شاراعا تەگىن قاتىسۋعا مۇمكىندىك الادى. ولار ءۇشىن ارنايى فورمات - AEF Talks ازىرلەنگەن. وندا نوبەل سىيلىعىنىڭ لاۋرەاتتارى مەن ساياسي قايراتكەرلەرمەن اشىق دارىستەر مەن كەزدەسۋلەر قاراستىرىلعان.
ا ە ف- تىڭ باستى ماقساتى - جاھاندىق ۇردىستەردى زەرتتەۋ جانە قازاقستان دامۋىنىڭ پراكتيكالىق ساياساتىن جاساۋ ءۇشىن ەكونوميكالىق ساياسات پەن عىلىم سالاسىندا تاجىريبە الماسۋ الاڭىن قۇرۋ.
11 جىل ىشىندە استانا ەكونوميكالىق فورۋمى (ا ە ف) الەمدىك ەكونوميكا مەن قارجى جۇيەسىن جەتىلدىرۋ جانە دامىتۋ ماسەلەلەرىن تالقىلاۋعا ارنالعان ەڭ بەدەلدى حالىقارالىق پلاتفورمالاردىڭ ءبىرى رەتىندە مارتەبەگە يە بولدى. فورۋمعا الەمنىڭ 150 ەلىنەن 50000 عا جۋىق دەلەگاتتار، ونىڭ ىشىندە 20 دان اسا نوبەل سىيلىعىنىڭ لاۋرەاتتارى جانە 30 جوعارى دارەجەلى شەتەلدىك ساياسي قايراتكەرلەرى قاتىستى. كونگرەسس اياسىندا 20 ميلليارد ا ق ش دوللارىنان استام سوماعا 300 دەن استام مەموراندۋمدار مەن كەلىسىمدەر جاسالدى.