اسا اۋىر قىلمىس جاسادى دەگەن كۇدىكتى الماتىدا ۇستالدى
كۇدىكتى پانفيلوۆ اۋدانىنىڭ ءبىر اۋىلىندا تۇرادى جانە قاڭتار ايىنىڭ باسىندا اتىس قارۋىن قولدانىپ، جاركەنت قالاسىنىڭ 30 جاستاعى تۇرعىنىن اۋىر جاراقاتتاعان. دەر كەزىندە اۋرۋحاناعا جاتقىزىلعان ەر ادام امان قالدى، ال كۇدىكتى وقيعا ورنىنان قاشىپ كەتتى، وعان رەسپۋبليكالىق ىزدەۋ جاريالاندى.
«ۇيىمداستىرىلعان جەدەل شارالار بارىسىندا وبلىستىق پوليتسيا قىزمەتكەرلەرى كۇدىكتىنى الماتىداعى جالدامالى پاتەردە ۇستادى. كۇدىكتىنى پانفيلوۆ پوليتسيا بولىمىنە جەتكىزىپ، ۋاقىتشا ۇستاۋ يزولياتورىنا قامادى»، - دەلىنگەن حابارلامادا.
ۇستالعان ادامعا كىسى ولتىرۋگە وقتالۋ قىلمىسى اشكەرەلەنەدى. قارۋ، شامامەن تەگىس ۇڭعىلى اڭشى مىلتىعى تابىلعان جوق. «وسى دەرەك بويىنشا تەرگەۋ وبلىستىق تەرگەۋ باسقارماسىنىڭ قىزمەتكەرلەرى وندىرىسكە الدى. قىلمىستىق ءىس ماتەريالدارىنا سايكەس، وقيعا جابىرلەنۋشىلەر مەن كۇدىكتىلەردىڭ اراسىندا جانجال شىققان، سونىڭ ناتيجەسىندە قارۋ پايدالانىلعان»، - دەپ تولىقتىردى باسپا ءسوز قىزمەتىنىڭ وكىلدەرى.