ادامزاتقا قاۋىپ ءتونىپ تۇر - ب ۇ ۇ
The Guardian باسىلىمىنىڭ جازۋىنشا، ب ۇ ۇ بايانداماسىندا عالىمدار جەر بەتىندەگى ءبىر ميلليون ءتۇردىڭ جويىلۋ قاۋپى بارىن ايتقان.
«عالىمدار جەردەگى تابيعي ءومىر جۇيەسى ازايىپ بارا جاتقاندىقتان ادامزاتقا قاۋىپ ءتونىپ تۇرعانىن حابارلادى. ب ۇ ۇ جاھاندىق بايانداماسىنا سەنسەك، ورماندار مەن باسقا دا تابيعات جۇيەلەرىنىڭ بۇزىلۋى سوڭعى ون ميلليون جىلعا قاراعاندا تابيعاتتى جۇزدەگەن ەسە جىلدامدىقپەن قۇرتىپ جاتىر» ، دەپ جازادى اۆتور.
ونىڭ جازۋىنشا، بۇگىندە تابيعي ەكوجۇيەلەردىڭ جارتىسى، جابايى سۇتقورەكتىلەردىڭ %82 ى جويىلىپ كەتكەن. تاعى ءبىر ميلليون ءتۇر جويىلۋ الدىندا تۇر.
«بۇعان ادامدار اسەر ەتكەن. ءۇش جىل بويى جۇرگىزىلگەن زەرتتەۋگە 450 عالىم مەن ديپلومات قاتىسقان. بايانداما اۆتورلارى وسى وزگەرىستەر سالدارىنان تازا سۋ ازايىپ، كليماتتىڭ تۇراقسىزدىعى ارتا تۇسەدى» دەپ جازادى اۆتور.
«ادامدار تاۋەلدى ەكوجۇيەلەرگە دە ءبىزدىڭ قولداۋىمىز كەرەك. ادامدار ءوز قولىمەن ەكونوميكا، قاۋىپسىزدىك، دەنساۋلىق پەن ءومىر ساپاسىنا كەرى اسەر ەتىپ جاتىر» دەيدى اۆتور.
ونىڭ جازۋىنشا، باياندامادا جەر شارىنىڭ تورتتەن ءۇشى فەرماعا اينالعانى، نەمەسە بەتون قۇيىلىپ، باسقا دا قاجەتتىلىكتەرگە قاراي وزگەرتىلگەنى ايتىلعان.
