15:00, 11 - مامىر 2019 | GMT +5
گەننادي جاتتىقتىرۋشىسى سانچەسپەن سوڭعى رەت نە جايلى سويلەسكەنىن ايتتى
نۇر- سۇلتان. قازاقپارات - بىرنەشە تۇجىرىمدار بويىنشا ورتا سالماقتاعى بۇرىنعى الەم چەمپيونى گەننادي گولوۆكين بۇرىنعى جاتتىقتىرۋشىسى ابەل سانچەسپەن ەشقانداي داۋ- جانجالسىز ايىرىلىسقانىن ايتتى، دەپ حابارلايدى قازاقپارات Sports.kz سايتىنا سىلتەمە جاساپ.
GGG مەن ابەل قارجىلىق جاعىنان كەلىسە الماعان.
سانچەستىڭ ايتۋىنشا، گولوۆكين باپكەرلىك تولەمدەردى بىردەن قىسقارتۋدى تالاپ ەتكەن. مامان بىرلەسكەن جۇمىستى توقتاتۋ تۋرالى جاريا ەتىلگەننەن كەيىن قامقورلىعىنداعى بۇرىنعى بوكسشىنى اشكوز جانە جاقسىلىق ىستەگەندى بىلمەيتىن ادام دەپ اتادى.
ابەل سەن كەتكەننەن كەيىن سەن تۋرالى كوپ ءسوز ايتتى. بۇل تۋرالى نە ويلايسىڭ؟
«بۇل ابەلدىڭ شارۋاسى. سوڭعى رەت سويلەسكەنىمىز ەسىمدە. مەن وعان قوڭىراۋ شالىپ بىلاي دەدىم: «ابەل، بارلىعى ءۇشىن كوپ راحمەت. مەن ءسىزدى قۇرمەتتەيمىن، ءسىز كەرەمەت باپكەرسىز جانە ماعان كوپ نارسە ۇيرەتتىڭىز. ۇلكەن راحمەت» ، - دەپ جاۋاپ بەردى گەننادي جۋرناليست كريس مەننيكسكە بەرگەن سۇحباتىندا.