11:07, 09 - مامىر 2019 | GMT +5
قاسىم- جومارت توقايەۆ وتان قورعاۋشىلار مونۋمەنتىنە داڭق گۇلىن قويۋ راسىمىنە قاتىستى
نۇر- سۇلتان. قازاقپارات - بۇگىن قازاقستان پرەزيدەنتى قاسىم- جومارت توقايەۆ ۇلى جەڭىستىڭ 74 جىلدىعىنا وراي ەلورداداعى «وتان قورعاۋشىلار» مونۋمەنتىنە داڭق گۇلىن قويۋ راسىمىنە قاتىستى، دەپ حابارلايدى قازاقپارات ءتىلشىسى.
داڭق گۇلىن قويۋ راسىمىنەن كەيىن مەملەكەت باسشىسى شاراعا ارنايى كەلگەن سوعىس جانە تىل ارداگەرلەرىمەن اڭگىمەلەستى.
شاراعا ق ر پارلامەنتى سەناتىنىڭ ءتوراعاسى داريعا نازاربايەۆا، ءماجىلىس ءتوراعاسى نۇرلان نىعماتۋلين، ۇكىمەت باسشىسى اسقار مامين، ۇكىمەت مۇشەلەرى، قازاقستاندا تىركەلگەن ديپلوماتيالىق وكىلدىكتەردىڭ باسشىلارى، سوعىس جانە تىل ارداگەرلەرى قاتىستى.
ايتا كەتەيىك، بۇگىندە ەلوردادا 70 سوعىس ارداگەرى، 2888 تىل ارداگەرى تۇرادى.
اۆتور: مارلان جيەمباي
