وزبەكستاندا بالاسىنا پرەزيدەنتتىڭ اتىن قويعان وتباسى سىيلىق الدى
وتباسى ۇشەمگە مۇنداي اتتاردى وزبەكستان پرەزيدەنتى شاۆكات ميرزيايەۆ پەن ايەلى زيرواتحون جانە پرەزيدەنتتىڭ ۇلكەن قىزى سايدانىڭ قۇرمەتىنە قويعان، دەپ جازادى ازاتتىق.
مۇنان سوڭ ۇشەمنىڭ اتا-اناسى ميرزيايەۆتىڭ اتىنان Cobalt كولىگىن، ءۇش بالالار ارباسى مەن باسقا دا سىيلىقتار العان.
ازاتتىقتىڭ وزبەك قىزمەتىنىڭ حابارلاۋىنشا، اتا-انالاردىڭ ۇشەمدەرگە شاۆكات ميرزەيەۆ اۋلەتىنىڭ اتتارىن بەرۋى العاش ەمەس. كوپ جاعدايدا اتا-انالارعا سىيلىق رەتىندە كولىك بەرىلەدى.
وزبەك قىزمەتىنىڭ پوشتاسىنا ۇشەمىنىڭ اتىن پرەزيدەنتتىڭ قۇرمەتىنە قويسا دا، سىيلىق الماعانىن ايتقان حاتتار كەلە باستاعان.
«بۇحار وبلىسىنداعى جاندار اۋدانىندا تۇراتىن اپكەم ءبارى ۇل ۇشەم تۋىپ، ولارعا پرەزيدەنتتىڭ قۇرمەتىنە شاۆكات، ميرومون جانە ميرزيا دەگەن ات قويدى. ب ا ق-تان مۇنداي وتباسىلارعا بيلىكتىڭ Cobalt كولىگىن سىيلاپ جاتقانىن ءجيى وقيمىز. مۇنداي سىيلىقتى تاياۋدا شافيركان اۋدانىندا تۇراتىن ءبىر وتباسى الدى. ءبىراق مەنىڭ اپكەم مۇنداي كولىك العان جوق. اڭگىمە كولىكتە ەمەس. بيلىك ۇشەمدەردىڭ بارىنە تەڭدەي قاراي قاراۋى كەرەك!» دەپ جازادى ۇشەم تۋعان وتباسىنىڭ تۋىسى.