اش قارىنعا جاسىل بانان جەگەننىڭ پايداسى

نۇر-سۇلتان. قازاقپارات - بانان قۇرامىنداعى ساحاروزا، فرۋكتوزا جانە گليۋكوزا ارقاسىندا ول اسقازاندا تەز ءارى جەڭىل قورىتىلىپ، بويعا كۇش-قۋات سىيلايدى.

ەرتەدە بانان جەمىسىن «ەرتەگى الەمىنىڭ جەمىسى» دەپ اتاعان ەكەن. سەبەبى، ءدام تاتساڭ، قارنىڭ تويادى ءارى دەنساۋلىققا پايدالى ءارى اعزاعا بەرەر شيپاسى مول.

كاليگە باي بۇل جەمىس قان قىسىمىن رەتتەپ، ينسۋلتكە شالدىعۋدىڭ الدىن الادى. سونداي-اق، جۇرەك، كوك تامىر اۋرۋلارىننا تاپتىرماس جەمىس. ەۋروپا ەلدەرىنىڭ مەكتەپتەرىندە وقۋشىلارعا تاڭەرتەڭگى جانە تۇسكى اس كەزىندە بانان بەرەدى. سەبەبى، بانان بالانىڭ ويلاۋ قابىلەتىنە جاقسى اسەر ەتەدى. تاڭەرتەڭ اش قارىنعا بانان جەگىڭىز كەلسە جاسىلداۋىن تاڭداعانىڭىز دۇرىس. ويتكەنى، سارى بانان اسقازانعا اۋىرلىق تۇسىرەدى. سەبەبى ونىڭ قۇرامىندا كومىرسۋلار مولشەردەن تىس كوپ كەزدەسەدى.

ەرتەدە حالىقتىق مەديتسينادا باناننان جوتەلدى باسۋعا ارنالعان سۋسىن جاساعان. ول ءۇشىن باناندى ۇككىشتەن وتكىزىپ الۋ كەرەك. ۇستىنەن قايناعان سۋ قۇيىڭىز. قاقىرىق شىعارعىش قاسيەتكە يە بۇل سۋسىندى بىرنەشە كۇن قاتارىنان جوتەل كەتكەنشە قابىلداۋ كەرەك.

ال، كوسمەتولوگ ماماندار ءۇي جاعدايىندا باناننان بەتتى ىلعالداندىراتىن ماسكا جاساۋعا كەڭەس بەرەدى. ول ءۇشىن باناننىڭ جارتىسىن ىدىسقا سالىپ ەزىپ الامىز. ۇستىنەن شامامەن ءبىر قاسىق ليمون سىعىندىسىن قۇيامىز. جاقسىلاپ ارلاستىرىپ بولعان سوڭ، ماسكانى بەتكە جاعامىز. 15-20 مينۋتتان سوڭ سالقىن سۋمەن شايىپ تاستاۋ قاجەت. باناندى ماسكانى اپتاسىنا ءبىر رەت جاساپ تۇرۋ جەتكىلىكتى.

 

دەرەككوز: Reactor