ەل ازاماتتارى زاڭدى ساقتاۋى ءتيىس - قاسىم-جومارت توقايەۆ

 نۇر-سۇلتان. قازاقپارات - قازاقستان رەسپۋبليكاسىنىڭ پرەزيدەنتى قاسىم- جومارت توقايەۆ ەلدىڭ جينالۋىنا قاتىستى ءسوز قوزعالاتىن بولسا، ونىڭ بارلىعى رۇقساتپەن بولۋى كەرەكتىگىن ەسكەرتتى.

وسى ماسەلەگە قاتىستى ۆيدەونى Facebook پاراقشاسىندا پرەزيدەنتتىڭ باسپا ءسوز حاتشىسى بەرىك ءۋالي جاريالادى، دەپ حابارلايدى قازاقپارات ءتىلشىسى.

«مەنىڭ تۇسىنىگىمدەگى ادىلەت - زاڭنىڭ سالتانات قۇرۋى. مەملەكەتتىك شەنەۋنىكتەر دە، قۇقىق قورعاۋ ورگاندارىنىڭ قىزمەتكەرلەرى دە - بارلىعى زاڭعا باعىنۋى كەرەك. سونداي- اق، زاڭدى ەل ازاماتتارى دا ساقتاۋى ءتيىس. زاڭ بارىنە بىردەي. قانداي دا ءبىر سىن ايتۋ دا زاڭ اياسىندا بولۋى ءتيىس. ادامداردىڭ جينالۋىنا قاتىستى ايتار بولساق، ول دا رۇقساتپەن بولۋى شارت. سوندىقتان، مەن ءبىزدىڭ ەلدە زاڭداردىڭ ساقتالاتىنىن قاتاڭ ەسكەرتەمىن»، - دەيدى قاسىم- جومارت توقايەۆ.

ايتا كەتسەك، بۇگىن ق ر باس پروكۋرورىنىڭ ورىنباسارى بولات دەمبايەۆ «پروكۋراتۋرا تۋرالى» زاڭنىڭ 31-بابىنىڭ تارتىبىندە ۇندەۋ جاريالاعان بولاتىن.

«الەۋمەتتىك جەلىلەر مەن مەسسەندجەرلەردە 9 -مامىردا زاڭسىز ميتينگكە قاتىسۋعا ۇگىتتەۋ ءجۇرىپ جاتىر. باس پروكۋراتۋرا بۇدان بۇرىن وسىنداي زاڭسىز جاريالى اكسيالار ۇيىمداستىرعان جانە قاتىسقاندار جاۋاپقا تارتىلاتىنىن ەسكەرتكەن بولاتىن. الايدا 1 -مامىردا كەيبىر ازاماتتار ۋاكىلەتتى مەملەكەتتىك ورگاندار قىزمەتكەرلەرى ەسكەرتۋىن ەلەمەي، زاڭسىز ميتينگىلەرگە شىعىپ، اكىمشىلىك جاۋاپقا تارتىلدى. ولاردىڭ قۇقىقتىق تارتىپكە قايشى ءىس- ارەكەتتەرىنەن ازاماتتاردىڭ دەمالۋىنا جانە تىنىشتىعىنا قاۋىپ ءتوندى»، - دەلىنگەن ۇندەۋدە.