ارال تەڭىزىنىڭ قاراقالپاقتار تۇراتىن اۋماعىنداعى احۋال قانداي؟
ونىڭ 40 پايىزىن ياعني 8 تريلليون سۋم قازىنادان جۇمسالعان. قوسىمشا دونورلىق كومەك كورسەتىلگەن. سونىڭ نەگىزىندە تەڭىزگە جاقىن ورنالاسقان ەلدى مەكەندەرگە ينفراقۇرىلىم تارتىلىپ، اۋىلداعى مەديتسينالىق مەكەمەلەرگە قاجەتتى قۇرالدار ساتىپ الىنعان.
ەكولوگتاردىڭ كەلتىرگەن مالىمەتىنە جۇگىنسەك، كليماتتىڭ وزگەرۋىنەن تەڭىز ۇلتانىنداعى قالعان سۋدىڭ ءوزى تەز تارتىلىپ، جاڭا قۇم ارالدار پايدا بولعان. سونىڭ سالدارىنان ارال اۋماعىنان جىلىنا 100 مىڭ توننا توزاڭ اۋاعا كوتەرىلىپ ۇشادى ەكەن. امۋداريادان اعىپ كەلگەن سۋدى بارىنشا ۇنەمدەۋ ماقساتىندا ارنايى بوگەتتەر مەن سۋ قويمالارىن سالۋ جۇمىستارى قارقىندى جالعاسۋدا. بۇل وزەن سۋىن ارالدىڭ قۇمىنا ءسىڭىپ كەتپەي ساقتاپ قالۋعا كومەكتەسەدى. وعان قوسا بالىق جانە مال شارۋاشىلىعىن دامىتۋعا بولادى ەكەن.
ۆاديم سوكولوۆ، حالىقارالىق ارالدى قۇتقارۋ قورىنىڭ وزبەكستاندىق اگەنتتىگىنىڭ باسشىسى:
- سۋ قويماسىنىڭ نەگىزگى بولىگى امۋداريانىڭ تەڭىزگە قۇياتىن تۇسىندا ورنالاسقان. وزەن وسى جەرگە كەلگەندە ەكىگە ايرىلادى. ءتيىمدى بولعان سوڭ قويما وسى جەرگە سالىنعان. امۋداريامەن اعىپ كەلگەن سۋدى جيناپ، سول ارقىلى وزگە كولدەرگە جىبەرىپ وتىرۋعا بولادى. اتاپ ايتقاندا مويناق قويماسى 15 جىل بۇرىن قوردىڭ قولداۋىمەن سالىندى. وعان سۋ تۇراقتى جەتپەيدى. بالىقشى قويماسى تاعى بار. سۋ كوپ بولعان جىلدارى قۇرىلىس بىتپەگەندىكتەن سۋ تەڭىز ۇلتانىنا اعىپ ۇلكەن جارلار پايدا بولدى. تەڭىز ۇلتانىنا اعىپ جاتقان سۋ تەك زالالىن تيگىزەدى. قوسىمشا تۇزدىقتار پايدا بولادى. سوسىن جەلمەن وزىمىزگە ۇشىپ كەلەدى. سوندىقتان سۋدى وسىندا قويمادا ساقتاۋىمىز قاجەت.
www.24.kz