سەمەيدەگى تاريحي ەسكەرتكىشتەردى قورعايتىن باعدارلاما ازىرلەنبەك

سەمەي. قازاقپارات - شىعىس قازاقستان وبلىسىنىڭ اكىمى دانيال احمەتوۆ سەمەي قالاسىنا جۇمىس ساپارى بارىسىندا ءبىرقاتار مادەني نىسانداردى ارالادى، دەپ حابارلايدى قازاقپارات سەمەي اقپاراتتىق ورتالىعىنا سىلتەمە جاساپ.

ف. دوستويەۆسكي مۇراجايىندا بولعان ءوڭىر باسشىسى تاريحي عيماراتتىڭ اۋماعىن ارالاپ، «پريرتىشە» ولكەتانۋ قوعامىنىڭ ءتوراعاسى مارات ساسانوۆپەن اڭگىمەلەستى.

«قالانىڭ وزىنە عانا ءتان تاريحي ەرەكشەلىگى بولۋى قاجەت. مەملەكەت پەن مەملەكەتكە تيەسىلى نىساندار بويىنشا تەكسەرۋ جۇرگىزۋ ماڭىزدى. جەكە مەنشىك سەكتورعا ازىرگە تيىسپەيمىز. ءبىز سەمەيدى اباتتاندىرۋ كەزەڭىنەن وتتىك، ەندى مەن تاريحي عيماراتتارعا بەت بۇرىپ، ەسكەرتكىشتەردى ساقتاۋ جونىندە باعدارلاما جاساپ، قابىلداۋ ماڭىزدى. بىزگە جاڭا زامانمەن قاتار وتكەن ءجۇزجىلدىقتان ەستەلىك بولاتىنداي نىساندار قاجەت»، - دەدى وبلىس اكىمى.

سونداي-اق، د. احمەتوۆ نيەۆزوروۆتار وتباسى اتىنداعى بەينەلەۋ ونەرى مۇراجايىندا بولىپ، دارىندى بالالارعا ارنالعان وبلىستىق بالەت مەكتەبىنىڭ جۇمىسىمەن تانىستى.