ارناۋلى الەۋمەتتىك كومەكتى ەسەپتەۋ ماسەلەسى وزەكتى - دەپۋتات

قىزىلوردا. قازاقپارات - ءماجىلىس دەپۋتاتتارى ابزال ەراليەۆ، ناتاليا جۇمادىلدايەۆا، بالايم كەسەبايەۆا مەن نۇرجان التايەۆ قىزىلوردا وبلىسى تالسۋات اۋىلدىق وكرۋگىندە ورنالاسقان ارناۋلى الەۋمەتتىك قىزمەت كورسەتۋ بالالار ورتالىعىنىڭ جۇمىسىمەن تانىستى.

بۇل تۋرالى قازاقپارات ءماجىلىستىڭ باسپا ءسوز قىزمەتىنە سىلتەمە جاساپ حابارلايدى.

كەزدەسۋ بارىسىندا دەپۋتاتتار تۇڭعىش پرەزيدەنت - ەلباسى نۇرسۇلتان نازاربايەۆتىڭ مۇمكىندىگى شەكتەۋلى ازاماتتارعا سونىڭ ىشىندە بالالارعا، از قامتىلعان جانە كوپ بالالى وتباسىلاردى قولداۋعا باعىتتالعان الەۋمەتتىك باستامالارىن جۇزەگە اسىرۋ جونىندەگى ماسەلەلەردى جان-جاقتى ءسوز ەتتى.

حالىق قالاۋلىلارى «Nur Otan» پارتياسىنىڭ 2030-جىلعا» دەيىنگى باعدارلاماسىندا مۇگەدەكتەردىڭ قۇقىقتارىن قامتاماسىز ەتۋگە ەرەكشە نازار اۋدارىلعان جانە ونىڭ ماقساتى - مۇگەدەكتەردى تولىق قولداۋدى قامتاماسىز ەتۋ، ارنايى الەۋمەتتىك قىزمەتتەر كورسەتۋدىڭ پروگرەسسيۆتى پرينتسيپىنە كوشۋ ەكەنى تۋرالى مالىمدەدى.

سونداي-اق، پارتيا باعدارلاماسىندا، وسى ماسەلە بويىنشا حالىقارالىق ستاندارتتارعا ساي كەلەتىن، مۇگەدەك بالالاردى تاربيەلەيتىن وتباسىلارعا قارجىلاي كومەك كورسەتۋ دەڭگەيىن ارتتىرۋ قاراستىرىلعان. اتاپ ايتقاندا، بالالاردىڭ اتا-انالارى مەن قامقورشىلارىنا ارنالعان جاردەماقى اعىمداعى جىلدان باستاپ %30 عا ارتتى، مۇگەدەكتەردى الەۋمەتتىك قولداۋ ينفراقۇرىلىمى جاڭعىرتىلادى. مۇگەدەكتەرگە ارنالعان پانسيوناتتار قالالاردا دا، اۋىلدىق ەلدى مەكەندەردە دە الەۋمەتتىك قىزمەت كورسەتۋ ورتالىقتارىنا اۋىستىرىلۋى ءتيىس.

دەپۋتاتتارعا ورتالىقتى تانىستىرعان مەكەمە باسشىسى ايگۇل شامشاتوۆا:

«مۇمكىندىگى شەكتەۋلى مۇگەدەك بالالارعا مەديتسينالىق، الەۋمەتتىك جاعداي جاساۋدا عيماراتتىڭ قىزمەت كورسەتۋگە ارنالعان ءاربىر بولمەسى زاماناۋي قۇرال-جابدىقتارمەن جابدىقتالعان. قازىر ستاتسيوناردا - 64، ال جارتىلاي ستاتسيوناردا - 46 مۇمكىندىگى شەكتەۋلى بالالار تاربيەلەنىپ، ەم الۋدا»، - دەدى.

2016-2018-جىلداردا ورتالىقتا ەم العان 30 ازامات وتباسىنا ساۋىعىپ ورالعان. جالپى جاعدايى وڭالعاندار سانى سانى 34، دەنە قيمىل قوزعالىسى جاقسارعانداردىڭ سانى 69، سونداي-اق، 15 بالا قوسالقى تىرەك اپپاراتىن تاستاپ، اياققا تۇردى.

«بىزدەر بىرنەشە كۇننەن بەرى وبلىستاعى ءبىرقاتار اۋماقتاردا بولىپ، شالعاي ەلدى مەكەندەردىڭ جاعدايىمەن تانىستىق. ول جەرلەردە دە ءتۇرلى الەۋمەتتىك نىساندار پايدالانۋعا بەرىلگەندىگىن كوزىمىزبەن كوردىك. وسى بالالار ورتالىعى مۇمكىندىگى شەكتەۋلى بالعىندارىمىز ءۇشىن وتە قاجەت. مۇندا بارلىق جاعدايلار جاسالعان. وبلىس بويىنشا جەرگىلىكتى تۇرعىندارمەن كەزدەسۋ بارىسىندا ارناۋلى الەۋمەتتىك كومەكتىڭ ەسەپتەلۋىندەگى ماسەلەلەر وزەكتى بوپ تۇرعانىن بايقادىق. الداعى جۇمىستا وسى ماسەلەنى ەسەپكە الاتىن بولامىز»، - دەدى ءماجىلىس دەپۋتاتى نۇرجان التايەۆ.