بۇگىن وتان قورعاۋشىلار كۇنى
ءدال وسى كۇنى ق ر تۇڭعىش پرەزيدەنتى - ەلباسى نۇرسۇلتان نازاربايەۆتىڭ جارلىعىمەن ق ر قارۋلى كۇشتەرى قۇرىلدى.
7- مامىر - وتان قورعاۋشىلار كۇنى. مەرەكە قارساڭىندا مەملەكەت باسشىسى، ق ر قارۋلى كۇشتەرىنىڭ جوعارعى باس قولباسشىسى قاسىم-جومارت توقايەۆ اسكەري شەندەر بەرۋ تۋرالى جارلىققا قول قويىپ، ەرەكشە كوزگە تۇسكەن اسكەري قىزمەتكەرلەردى ماراپاتتادى.
تاريحقا ۇڭىلسەك، 1991-جىلى 25- قازاندا قازاقستان پرەزيدەنتىنىڭ جارلىعىمەن قازاق س س ر- نىڭ مەملەكەتتىك قورعانىس كوميتەتى قۇرىلدى. كەيىن ول قازاقستان رەسپۋبليكاسىنىڭ قورعانىس مينيسترلىگى بولىپ قايتا قۇرىلدى. 1992-جىلدىڭ 7- مامىرىندا تاۋەلسىز ەلدىڭ زاڭدىق قۇقىقتارىنىڭ نەگىزدەرىنە جانە تاۋەلسىز مەملەكەتتەر دوستىعىنا قاتىسۋشى مەملەكەتتەر اراسىنداعى قول جەتكەن كەلىسىمدەرگە بايلانىستى ق ر پرەزيدەنتى ن. ءا. نازاربايەۆتىڭ جارلىعى شىقتى. بۇل جارلىق بويىنشا، قازاقستان اۋماعىنا ورنالاسقان قارۋلى كۇشتەر وزدەرىنىڭ مۇلىكتەرىمەن قوسا، رەسپۋبليكانىڭ قاراۋىنا ءوتتى. جوعارعى باس قولباسشى رەتىندە قارۋلى كۇشتەردى باسقارۋدى پرەزيدەنت ءوز موينىنا الدى. ەلباسىنان باسقا قورعانىس ىسىمەن تىكەلەي شۇعىلداناتىن العاشقى قورعانىس ءمينيسترى بولىپ، گەنەرال-پولكوۆنيك ساعادات نۇرماعانبەتوۆ تاعايىندالدى.
بۇل كۇن - قازاقستان رەسپۋبليكاسىنىڭ قارۋلى كۇشتەرىنىڭ قۇرىلعان كۇنى بولعاندىقتان جىل سايىن «7- مامىر وتان قورعاۋشىلار كۇنى» رەتىندە تويلانىپ كەلەدى.