الماتىنىڭ رىسقۇلوۆ- قۇلجا تاسجولىنداعى جولايىرىق قاشان اشىلادى
بۇل تۋرالى Facebook تە قالا اكىمىنىڭ ورىنباسارى ەرلان اۋكەنوۆ جازدى.
«الماتىدا قوزعالىس ەڭ كوپ جولداردىڭ ءبىرى - شىعىس اينالما جولى. بۇل جول اۋەجاي مەن قالانىڭ ورتالىعىن قوسىپ تۇر. ءبىر تاۋلىكتە قۇلجا اۆتوجولى ارقىلى 40 مىڭ كولىك (پوليتسيا دەپارتامەنتىنىڭ مالىمەتىنشە) قالاعا كىرەدى. جۇرگىزۋشىلەردىڭ تاراپىنان كەپتەلىسكە قاتىستى شاعىم كوپ تۇسەدى. قۇلجا تاسجولى مەن رىسقۇلوۆ داڭعىلى اراسىنداعى جولايىرىق 1 شىلدەدە اشىلادى، ال قۇرىلىس جۇمىستارى جەلتوقسان ايىندا تولىعىمەن اياقتالادى» ، - دەدى قالا اكىمىنىڭ ورىنباسارى.
ونىڭ ايتۋىنشا، كولىك تورابى پايدالانۋعا بەرىلگەن جاعدايدا قوزعالىس مۇمكىندىگى رىسقۇلوۆ داڭعىلىندا - %10 (تاۋلىگىنە وتەتىن كولىك سانى 5,5 مىڭنان كوپ) ، قۇلجا تاسجولىندا% 15 (تاۋلىگىنە وتەتىن كولىك سانى 6,6 مىڭعا) ارتادى. سونىمەن قاتار تۇركسىب، جەتىسۋ، مەدەۋ اۋداندارىنىڭ 250 مىڭ تۇرعىنى ءۇشىن جول قوزعالىسى جەڭىلدەي تۇسپەك.
بۇگىندە قالانىڭ 8 ءىرى كولىك نىسانىندا قۇرىلىس جۇمىستارى ءجۇرىپ جاتىر.
ودان بولەك، بيىل قۇلجا تاسجولى مەن بۇقتىرما كوشەسىنىڭ قيىلىسىندا ەستاكادا مەن تۋننەلى بار جولايىرىقتىڭ قۇرىلىسى باستالادى. قازىر كولىكتەر ۇلكەن اينالما جولىمەن اينالىپ ءوتىپ جاتىر. جولايىرىقتىڭ قۇرىلىسى 2020 اقپاندا اياقتالادى. بۇل جۇمىستار قالانىڭ ەكولوگيالىق ماسەلەلەرىن شەشۋگە باعىتتالعان» ، - دەپ جازدى اكىم.