قاسىم-جومارت توقايەۆ ەل تۇرعىندارىن رامازان ايىنىڭ باستالۋىمەن قۇتتىقتادى

نۇر-سۇلتان. قازاقپارات- ق ر پرەزيدەنتى قاسىم-جومارت توقايەۆ ەل تۇرعىندارىن رامازان ايىنىڭ باستالۋىمەن قۇتتىقتادى، دەپ حابارلايدى اقوردانىڭ باسپا ءسوز قىزمەتى.

«قىمباتتى وتانداستار!

بارشاڭىزدى كۇللى مۇسىلمان قاۋىمى ءۇشىن قاسيەتتى رامازان ايىنىڭ باستالۋىمەن شىن جۇرەكتەن قۇتتىقتايمىن.

بۇل - شەكسىز ىزگىلىككە، ادامگەرشىلىككە، رۋحاني تازارۋعا جانە كەمەلدەنۋگە باستايتىن مەزگىل. يسلامنىڭ جاسامپازدىق الەۋەتى قوعامىمىزداعى جانە الەمدەگى ءداستۇرلى قۇندىلىقتار مەن گۋمانيزم نەگىزدەرىن نىعايتۋعا ىقپال ەتەدى. رامازان ايىندا ورازا ۇستاۋ مەيىرىمدىلىككە، كەشىرىمدى بولۋعا، تاتۋلىققا جانە قايىرىمدىلىققا ۇندەيدى.

ەلباسىنىڭ دانا ساياساتىنىڭ ارقاسىندا قازاقستاندا بىرلىك، ءوزارا تۇسىنىستىك، ەتنوسارالىق جانە ءدىنارالىق كەلىسىم رۋحى ساقتالىپ وتىر.

قاسيەتتى رامازان ايى بارىڭىزگە جاقسىلىق، باق-بەرەكە اكەلسىن!»، - دەلىنگەن مەملەكەت باسشىسىنىڭ قۇتتىقتاۋىندا.