سمارت ۇيلەر ءومىرىمىزدى جەڭىلدەتە مە؟
«امەريكالىقتاردىڭ بەستەن ءۇشى ۇيلەرىنە اقىلدى قۇرىلعىلار ورناتقان. ولاردىڭ كوبى كۇنىڭىزدى جوسپارلاپ، نە ىستەۋ كەرەكتىگىن ەسىڭىزگە ءتۇسىرىپ تۇرادى. مامانداردىڭ ايتۋىنشا، بيىل 862 ميلليون ينتەللەكتۋالدى قۇرىلعىلار ساتىلادى دەپ جوسپارلانىپ وتىر. بۇل 2018-جىلمەن سالىستىرعاندا 25 پايىزعا كوپ»، - دەي كەلە اۆتور «بۇل قۇرىلعىلار راسىمەن ادام ءومىرىن جەڭىلدەتە مە؟» دەگەن سۇراققا جاۋاپ ىزدەيدى.
«اقىلدى قۇلىپ، كامەرا، ءتۇتىن دەتەكتورى، اقىلدى جارىق قوسقىشتار. بۇل قازىرگى تاڭدا ەڭ كوپ كەزدەسەتىن اقىلدى ءۇيدىڭ بولشەكتەرى. بۇلار كۇندەلىكتى تىرشىلىكتى جەڭىلدەتە الادى. دەگەنمەن، قيىندىق تا تۋعىزادى»، دەپ جازادى اۆتور. ونىڭ ايتۋىنشا، اقىلدى قۇلىپتى الماستىرۋ وتە قيىنعا سوعاتىن كورىنەدى. ءتىپتى، قۇلىپتى الماستىرا المايتىندىقتان ەسىكتى اۋىستىراتىن جاعدايلار دا ءجيى بولىپ تۇرادى ەكەن.
«اقىلدى قۇلىپ ارقىلى ادام تەلەفونداعى ارنايى قوسىمشامەن ەسىكتىڭ اشىق نەمەسە جابىق تۇرعانىن كورە الادى. ياعني، ۇيدەن الىسقا كەتكەن كەزدە الاڭداماۋعا مۇمكىندىك بەرەدى. سونداي-اق «ەي، گۋگل، جارىقتى قوس!» دەپ ايتۋ ارقىلى نەمەسە قول شاپالاقتاپ ۇيگە جارىق قوسۋ دا كەڭ تاراپ جاتىر. بۇل جاعدايعا قاراي ىڭعايلى بولۋى مۇمكىن.
مىسالى، ۇيگە قولىڭىز بوس بولماي كىرسەڭىز، جارىقتى وڭاي جاعا الاسىز. سونىمەن قاتار مۇنداي قۇرىلعىلاردى ورناتۋ دا جەڭىل ءارى ارزان. ال ءتۇتىن دەتەكتورى ۇيدە ءورت شىققان جاعدايدا وتە پايدالى. بۇل قۇرىلعىلار ءومىرىمىزدى وتە قاتتى وزگەرتە قويمايدى. ءارى بۇل قۇرىلعىلارسىز دا ءومىر سۇرۋگە بولادى. ءبىزدىڭ قوعامدا ءبىز ولارسىز ءومىر سۇرە الاتىن تەحنولوگيالار كوپ. دەگەنمەن، اقىلدى ۇيدە تەلەفون پايدالانۋ ازايىپ، سمارتفونسىز وتكىزەتىن ۋاقىت ارتاتىنى دالەلدەنگەن»، دەپ جازادى اۆتور.