بيىل «ارالتۇز» قىتاي نارىعىنا شىعادى
2017-جىلى ارالدىڭ تۇزى ازەربايجان مەن گرۋزياعا ەكسپورتتالا باستادى. سونىمەن قاتار، 2018-جىلى «ارالتۇز» ا ق العاش رەت ۋكراين نارىعىنا 462 توننا تۇز جونەلتتى. ال 2019-جىلى تاۋار كولەمىن ۋكرايناعا 3 ەسەگە، ال رەسەيلىك نارىققا جونەلتىلەتىن ءونىم كولەمىن %20 ارتتىرۋ جوسپارلانىپ وتىر.
«قازىرگى تاڭدا «ارالتۇز» ا ق ءوز ءونىمىنىڭ %65 شەتەلگە شىعارادى، سوڭعى 3 جىلدا رەسەي نارىعىنىڭ %13 جاۋلاپ السا، قىرعىزستانداعى ۇلەسى %50 قۇرايدى. 2017-جىلى ارالدىڭ تۇزى ازەربايجان مەن گرۋزياعا ەكسپورتتالا باستادى. الداعى ۋاقىتتا تاۋار وتكىزۋ نارىعىن كەڭەيتۋدى، ال 2019-جىلدان باستاپ قىتاي نارىعىنا شىعۋدى جوسپارلاپ وتىرمىز»، - دەپ ءمالىم ەتتى «ارالتۇز» ا ق ديرەكتورلار كەڭەسىنىڭ ءتوراعاسى داۋرەن مۇقاشيەۆ.
يندۋستريالاندىرۋ كارتاسى اياسىندا كاسىپورىندا تۇز شىعاراتىن يسپاندىق 2 سەح ىسكە قوسىلدى. زاۋىتتىڭ قايتا جاڭعىرتىلۋى ەڭبەك ونىمدىلىگىن ەكى ەسەگە ارتتىرىپ، 1200 دەن استام ادامدى جۇمىسپەن قامتۋعا، قىزمەتكەرلەردىڭ جالاقىسىن 60 پايىزعا دەيىن ارتتىرىپ، ءونىمنىڭ وزىندىك قۇنىن 40 پايىزعا تومەندەتۋگە مۇمكىندىك بەردى. ۇستىمىزدەگى جىلدىڭ قاڭتار ايىنان باستاپ قازاقستان رەسپۋبليكاسى تۇڭعىش پرەزيدەنتىنىڭ تاپسىرمالارىن ورىنداۋ ماقساتىندا جۇمىسشىلاردىڭ باسىم بولىگىنىڭ جالاقىسى %26 ارتتى.
