تۇركىستان وبلىسىنا ساحا رەسپۋبليكاسىنان جۋرناليستەر كەلدى
قوناقتار وتىرار اۋدانىنداعى ارىستان باب كەسەنەسىمەن تانىسىپ، ⅩⅢ عاسىردىڭ ەرەكشە ارحەولوگيالىق ەسكەرتكىشى وتىرار قالاشىعىن ارالادى، دەپ حابارلايدى قازاقپارات ءتىلشىسى.
اتالعان شارا تۇركىستان وبلىسىندا تۇركى الەمىنە ورتاق قۇندىلىقتاردى ناسيحاتتاۋ مەن مەديا قاۋىمداستىقتاردىڭ ەلارالىق بايلانىسىن نىعايتۋ ماقساتىندا ۇيىمداستىرىلدى. ساحالىق تىلشىلەر قاۋىمى ءوڭىردىڭ تاريحي ورىنداردىڭ تىلسىمىنا قانىعىپ، كيەلى مەكەندەرگە قىزىعۋشىلىق تانىتتى.
تۇركىستان قالاسىنا كەلگەن شەتەلدىك مەيماندار يۋنەسكو تىزىمىنە ەنگىزىلگەن ق. ا. ياساۋي كەسەنەسىنە ءتاۋ ەتتى. سودان كەيىن ق. ا. ياساۋي اتىنداعى ح ق ت ۋ- دىڭ وقۋ بازاسىمەن تانىسىپ، ۋنيۆەرسيتەتتىڭ ءماجىلىس زالىندا شەتەلدىك جاس تالاپكەر ستۋدەنتتەرمەن كەزدەستى. جيىندا تۇركى الەمىنە ورتاق تاريحي، رۋحاني قۇندىلىقتار جايلى، مەديا قاۋىمداستىقتاردىڭ ەلارارلىق بايلانىسىن نىعايتۋ ماسەلەلەرى جونىندە ساليقالى سۇحباتتار جۇرگىزدى. جاستارمەن قۇندى پىكىرلەر الماسىپ، ءوز ويلارىن ورتاعا سالدى.
ساپار سوڭىندا ساحا رەسپۋبليكاسىنداعى ب ا ق سالاسىنىڭ مايتالمان ماماندارى، ارداگەر جۋرناليستەرىنەن قۇرالعان توپ تۇركىستانعا ساياحاتتىڭ جوعارى دەڭگەيدە وتكەنىن ايتىپ ءوتتى. وسىناۋ يگى ىستەرگە باستاما بولعان وبلىس اكىمدىگىنە ريزاشىلىقتارىن ءبىلدىردى.
مەيماندار كيەلى ءوڭىردىڭ تۋريزمى مەن رۋحاني-مادەني سالاسى حالىقارالىق دەڭگەيدە داميتىنىنا سەنىمدى ەكەندىكتەرىن جەتكىزدى.
