09:52, 05 - مامىر 2019 | GMT +5
ق ر پرەزيدەنتى تۇركى اكادەمياسىنىڭ پرەزيدەنتى دارحان قىدىرالىنى قابىلدادى
نۇر-سۇلتان. قازاقپارات - قازاقستان پرەزيدەنتى قاسىم-جومارت توقايەۆ حالىقارالىق تۇركى اكادەمياسىنىڭ پرەزيدەنتى دارحان قىدىرالىنى قابىلدادى.
بۇل تۋرالى اقوردانىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات.
مەملەكەت باسشىسىنا حالىقارالىق تۇركى اكادەمياسىنىڭ اتقارىپ جاتقان جۇمىستارى مەن جاقىندا يۋنەسكو اياسىندا نۇر-سۇلتان قالاسىندا وتەتىن ۇلى دالا وركەنيەتىنە قاتىستى حالىقارالىق فورۋمعا دايىندىق بارىسى مالىمدەلدى.
سونىمەن قاتار، بيىل جارىق كورگەنىنە 100 جىل تولاتىن «Egemen Qazaqstan» رەسپۋبليكالىق گازەتىنىڭ عاسىرلىق مەرەيتويىنا وراي شىعارىلعان كىتاپتار تانىستىرىلدى.
قاسىم-جومارت توقايەۆ كەزدەسۋ سوڭىندا اتقارىلىپ جاتقان ىستەرگە جوعارى باعا بەرىپ، وسى باعىتتاعى جۇمىستاردى جالعاستىرۋ ءۇشىن ءبىرقاتار ناقتى تاپسىرمالار بەردى.