جەكسەنبىدە ەل اۋماعىنىڭ باسىم بولىگىندە جەل كۇشەيىپ، جاڭبىر جاۋادى
قازاقستاننىڭ باسىم اۋماعى انتيتسيكلوننىڭ ىقپالىندا بولادى، سوعان بايلانىستى جاۋىن-شاشىنسىز اۋا رايى كۇتىلەدى، تەك باتىس، شىعىس جانە وڭتۇستىك-شىعىس اۋماقتاردا اتموسفەرالىق اعىنداردىڭ وتۋىنە بايلانىستى جاڭبىر جاۋادى.
بۇل كۇنى رەسپۋبليكانىڭ كەي جەرلەرىندە تۇمان ءتۇسىپ، جەلدىڭ كۇشەيۋى، نايزاعاي، داۋىل، بۇرشاق، شاڭدى داۋىل تۇرۋى ىقتيمال.
اتىراۋ وبلىسىنىڭ كەي جەرلەرىندە نايزاعاي، داۋىل، جەلدىڭ 15-20 م/س كۇشەيۋى، ال كۇندىز شاڭدى داۋىل كۇتىلەدى.
باتىس قازاقستان وبلىسىندا كەي جەرلەردە نايزاعاي، جەلدىڭ جىلدامدىعى 15-20 م/س جەتەدى، كۇندىز بۇرشاق جاۋۋى مۇمكىن. ماڭعىستاۋ وبلىسىندا كەي جەرلەردە تۇمان، كۇندىز نايزاعاي جارقىلداپ، بۇرشاق ءتۇسۋى مۇمكىن.
قىزىلوردا، تۇركىستان وبلىستارىندا كەي جەرلەردە جەل 15-20 م/س شاڭدى داۋىلمەن كۇتىلەدى.
جامبىل، تۇندە جانە تاڭەرتەڭ الماتى وبلىستارىندا كەي جەرلەردە تۇمان، جامبىل وبلىسىنىڭ كەي جەرلەرىندە جەلدىڭ جىلدامدىعى 15-20 م/س جەتەدى.
قوستاناي، كۇندىز اقتوبە، قاراعاندى، شىعىس قازاقستان وبلىستارىندا كەي جەرلەردە جەل 15-20 م/س كۇتىلەدى.
اقمولا وبلىسىنىڭ كەي جەرلەرىندە كۇندىز كۇن كۇركىرەپ، نايزاعاي وينايدى.