قارۋلى كۇشتەردىڭ باستى مىندەتى - تاۋەلسىزدىك پەن ەل اۋماعىن قورعاۋ - ق ر پرەزيدەنتى
مەملەكەت باسشىسىنا «ايبالتا-2019» كوماندالىق- شتابتىق وقۋ- جاتتىعۋىنىڭ نەگىزگى كەزەڭدەرى مەن مىندەتتەرى تۋرالى باياندالدى. وقۋ- جاتتىعۋ بارىسىندا شارتتى قارسىلاستى جويۋ كەزىندەگى قارۋلى كۇشتەردىڭ مۇمكىندىكتەرى كورسەتىلدى.
قازاقستان پرەزيدەنتى كوماندالىق پۋنكتكە بارىپ، اسكەري تەحنيكالار مەن قارۋ- جاراق ۇلگىلەرىن، ينفراقۇرىلىمدىق نىسانداردى، سونىڭ ىشىندە ءمودۋلدى جىلجىمالى گوسپيتالدى، مەحانيكالاندىرىلعان نان زاۋىتىن، ازىق- تۇلىك قويماسىن، پيلوتسىز ۇشاتىن اپپاراتتاردى باسقارۋ پۋنكتىن ارالاپ كوردى.
جوعارعى باس قولباسشى اسكەريلەردى وقۋ- جاتتىعۋدى تابىستى اياقتاۋىمەن، سونداي- اق، الداعى وتان قورعاۋشىلار كۇنى جانە جەڭىس كۇنى مەرەكەلەرىمەن قۇتتىقتاپ، قىزمەتتەرىنە تابىس تىلەدى.
- قارۋلى كۇشتەردىڭ باستى مىندەتى - تاۋەلسىزدىك پەن ەل اۋماعىنىڭ تۇتاستىعىن قورعاۋ. مەملەكەتتىڭ سەنىمدى قالقانى ءارى تىرەگى سانالاتىن قازاقستان ارمياسى - كۇشتى ءارى ءموبيلدى. بۇگىن سىزدەر تاۋەلسىز قازاقستاننىڭ قارۋلى كۇشتەرىنىڭ قۋاتىن كورسەتتىڭىزدەر. اسكەري بولىمشەلەر كاسىبي داعدىلارى مەن جاۋىنگەرلىك رۋحىن ءىس جۇزىندە دالەلدەدى، - دەدى قاسىم- جومارت توقايەۆ.
مەملەكەت باسشىسى دالاعا تىگىلگەن اسكەري لاگەرگە بارىپ، «سولدات بوتقاسىنان» ءدام تاتتى، قاتارداعى ساربازدارمەن اڭگىمەلەستى.