07:15, 03 - مامىر 2019 | GMT +5
استانادا اشىق اسپان استىندا كونسەرت وتەدى
نۇر- سۇلتان. قازاقپارات - نۇر- سۇلتان قالاسىندا 7 - مامىر وتان قورعاۋشىلار مەرەكەسى كۇنى 5 ساعاتتىق اشىق اسپان استىنداعى مەرەكەلىك كونسەرتى وتەدى، دەپ حابارلايدى قازاقپارات ەلوردا ينفوعا سىلتەمە جاساپ.
مەرەكەلىك كونسەرت قالالىق اكىمدىكتىڭ الدىنداعى الاڭدا بي كەشى (ديسكوتەكا) فورماتىندا وتەدى. ءان كەشىنىڭ قوناقتارى قاتارىندا قازاقستانعا بەلگىلى ەسترادا انشىلەرى بار، اتاپ ايتقاندا ءمادينا ءسادۋاقاسوۆا، بەيبىت قوشقاليەۆ، Ayree، «زامان» جانە «3038» توبى جانە رايم مەن ارتۋر.
كەش جۇرگىزۋشىلەرى ازات ابىكەن جانە ولجاس رىمبايەۆ. كونسەرت ساعات 17:00-دە باستالىپ 22:00-گە دەيىن سوزىلادى.
ايتا كەتسەك، شارا قالالىق اكىمدىكتىڭ قولداۋىمەن ۇيىمداستىرىلادى.