قاسىم-جومارت توقايەۆ الماتىداعى ب ۇ ۇ-نىڭ جاڭا كەڭسەسىنە باردى
مەملەكەت باسشىسى ب ۇ ۇ-نىڭ 17-ايماقتىق بولىمشەسى ورنالاسقان كەڭسەسىنىڭ جاڭا عيماراتىن ارالاپ كوردى.
پرەزيدەنت حالىقارالىق ۇيىم كەڭسەسىنىڭ اشىلۋى ەل ءۇشىن ەرەكشە ماڭىزعا يە - قازاقستان حالقىنىڭ بىرلىگى كۇنى مەرەكەسىمەن تۇسپا- تۇس كەلۋىن جاقسىلىققا بالادى.
قاسىم-جومارت توقايەۆ قازاقستان ب ۇ ۇ قاعيداتتارىن تولىقتاي ۇستاناتىنىن جانە حالىقارالىق قاۋىمداستىقپەن قاۋىپسىزدىك پەن تۇراقتىلىقتى ساقتاۋ، ادام قۇقىقتارىن قورعاۋ ماقساتىنداعى ءوزارا ءىس-قيمىلدارىن بەلسەندى تۇردە جالعاستىرا بەرەتىنىن ايتتى.
- بۇل تاماشا عيمارات بىرىككەن ۇلتتار ۇيىمىنىڭ مۇددەلەرى ءۇشىن قىزمەت ەتەتىن بولادى. ب ۇ ۇ - بارلىق ەل ءۇشىن ورتاق ءۇي. ءبىزدىڭ ىنتىماقتاستىعىمىزدىڭ ارتا تۇسەتىنىنە سەنىمدىمىن. الەم قاۋىپسىزدىگى جولىندا ب ۇ ۇ- نىڭ قازاقستانداعى قىزمەتىن قولداي بەرەمىز، - دەدى مەملەكەت باسشىسى.
ب ۇ ۇ- نىڭ قازاقستانداعى تۇراقتى ۇيلەستىرۋشىسى نوريماسا شيمومۋرا قازاقستان پرەزيدەنتىنە العىس ايتىپ، بۇل اسەم عيمارات الماتى قالاسىنىڭ سىيى ەكەنىن اتاپ ءوتتى. ديپلومات جاڭا كەڭسە قازاقستان مەن ب ۇ ۇ- نىڭ جاقىن دوستىعى مەن ىنتىماقتاستىعىنىڭ بەلگىسى بولاتىنىنا سەنىم ءبىلدىردى.
قاسىم-جومارت توقايەۆ حالىقارالىق ۇيىمنىڭ جۇمىسشىلارىمەن اڭگىمەلەسىپ، كىتاپحانانىڭ جانە ب ۇ ۇ ايماقتىق بولىمشەلەر وكىلدىكتەرىنىڭ جۇمىسىمەن تانىستى.
