ەلوردادان جاڭا حالىقارالىق اۋە رەيستەرى اشىلادى - رومان سكليار

نۇر-سۇلتان. قازاقپارات - بيىل جانە كەلەسى جىلى نۇر-سۇلتان قالاسىنان حالىقارالىق باعىتتا جاڭا اۋە رەيستەرى اشىلاتىن بولادى.

بۇل تۋرالى ق ر يندۋستريا جانە ينفراقۇرىلىمدىق دامۋ ءمينيسترى رومان سكليار ءمالىم ەتتى، دەپ حابارلايدى قازاقپارات ءتىلشىسى.

«وسىدان جارتى جىل بۇرىن ەلباسى نۇرسۇلتان نازاربايەۆ حالىققا قولجەتىمدى اۋە كومپانياسىن اشۋ كەرەكتىگى جونىندە تاپسىرما بەردى. مىنە، بۇگىن ءبارىمىز لوۋكوستەردىڭ العاشقى رەيسىنىڭ ءساتتى ورىندالۋىنا، ياعني تاريحي ساتكە كۋا بولىپ وتىرمىز. ستاتيستيكا كورسەتىپ وتىرعانداي، جىل ساناپ اۆياجولاۋشىلاردىڭ سانى ارتىپ كەلەدى. بۇعان دالەل - وتكەن جىلى ەلىمىزدە 8 ميلليون جولاۋشى اۋە قاتىناسى ارقىلى تاسىمالداندى، بۇل 2017 -جىلمەن سالىستىرعاندا 6 ەسەگە ارتىق. ال 2010 -جىلدان بەرگى 9 جىلدىڭ ىشىندە اۋە قاتىناسىنىڭ جولاۋشىلارى 40 ەسە كوبەيگەن. سونداي-اق، استانا حالىقارالىق قارجى ورتالىعىنىڭ قولجەتىمدىلىگىن ارتتىرۋ ماقساتىندا جاڭادان حالىقارالىق اۋە رەيستەرى اشىلادى. بۇل ءىس وسى جىلعا جانە كەلەسى جىلعا جوسپارلانىپ وتىر»، - دەدى ر. سكليار.

ونىڭ ايتۋىنشا، حالىقارالىق اۋە رەيستەرىنىڭ دە سانى ارتقان. قازىرگى ۋاقىتتا قازاقستاننان الەمنىڭ 27 ەلىنە 97 باعىتتا حالىقارالىق رەيس جاسالادى.

«بۇگىنگى كۇنى حالىقارالىق تاجىريبە كورسەتىپ وتىرعانداي، لوۋكوستەرلەر نەعۇرلىم بەلسەندى دامىپ جاتىر. ولار اۆياجولاۋشىلار ءۇشىن قولجەتىمدى بولعاندىقتان باسىمدىققا يە جانە ءوزىنىڭ ءوسۋ قارقىنى بويىنشا كلاسسيكالىق اۆياكومپانيالاردى باسىپ وزادى. قازاقستاننىڭ بۇل پروتسەستەردەن تىسقارى قالۋىنا بولمايدى، سوندىقتان جاڭادان قۇرىلعان تومەن بيۋدجەتتى FlyArystan تاسىمالداۋشىسى تۋريستىك جانە ىسكەرلىك بەلسەندىلىك ەسەبىنەن حالىقتىڭ ۇتقىرلىعىن ارتتىرۋعا مۇمكىندىك بەرەدى»، - دەيدى مينيستر.

بۇعان دەيىن حابارلاعانىمىزداي، بۇگىن «FlyArystan» بيۋدجەتتىك اۆياكومپانيانىڭ العاشقى اۋە رەيسى الماتىدان ەلورداعا ۇشىپ كەلدى. ونىڭ بورتىندا 180 اۆياجولاۋشى جانە 4 بورتسەرىكتەسى بولدى.