ساعىزدىڭ پايداسى

 نۇر-سۇلتان. قازاقپارات - ساعىز شايناۋ - اۋىز قۋىسىندا قالعان تاماق قالدىعىن جويۋدىڭ ەڭ ءتيىمدى ءتاسىلى.

ساعىز ءوندىرۋ سالاسى بويىنشا زەرتتەۋ جۇرگىزۋشى Wrigley Science Institute باعدارلاماسى ءوز جۇمىسىن باستاعان بولاتىن. ءالى ناقتى اقپارات بەرمەسە دە، وسى ۋاقىتقا دەيىن ساعىزدىڭ پايداسى مەن زيانىن زەرتتەگەندەر از بولمادى.

مىسالى: 2004 -جىلى يللينويس ۋنيۆەرسيتەتىنىڭ (University of Illinois) زەرتتەۋشىلەرى ساعىز ءتىستىڭ بۇزىلۋىنا جول بەرمەيدى دەگەن شەشىمگە كەلگەن. تاجىريبە بارىسىندا دارشىن ءدامى بار ساعىز اۋىزداعى جاعىمسىز ءيىس تۋدىراتىن باكتەريالاردى 50 پايىزعا دەيىن جوياتىنىن انىقتاعان.

زەرتتەۋشىلەر مۇنىڭ سەبەبى تەك قۇرامىنداعى دارشىن اسەرىنەن ەمەس، ساعىز شايناۋ بارىسىنداعى ءسولدىڭ بولىنۋىمەن بايلانىستىرعان. وعان قوسا، اۋىز قۋىسىنان بولىنەتىن ءسول قۇرامىنداعى مينەرالدار (فوسفات پەن فتور) ءتىستىڭ ەمالى بۇزىلعان كەزدە ونىڭ قايتا قالپىنا كەلتىرۋ ءۇشىن قاجەتتى ەلەمەنتتەر ەكەنىن ۇمىتپاعان ءجون.

نورتۋمبريا ۋنيۆەرسيتەتىنىڭ (Northumbria University) پسيحولوگ ماماندارى ساعىز ادامنىڭ ەستە ساقتاۋ قابىلەتىن جاقسارتاتىنىن انىقتاعان. تاجىريبە بارىسىندا ساعىز شايناعان قاتىسۋشىلار سوزدەردى ەستە جاقسى ساقتاعان. زەرتتەۋ اۆتورلارى ونى ساعىزبەن ەمەس، ناقتىراق ايتساق، شايناۋ ۇردىسىمەن بايلانىستىرادى. شايناۋ بارىسىندا جۇرەكتىڭ جيىرىلۋ جيىلىگى ارتا تۇسەدى (ونىمەن بىرگە ميعا وتتەگى تۇسەدى). كەيىن وسى زەرتتەۋ توبى ساعىز مازاسىزدىقتى جويىپ، كۇيزەلىستەن ارىلۋعا مۇمكىندىك بەرەتىنىنە كوز جەتكىزگەن.

2006 -جىلى Journal of the American Medical Association باسىلىمىندا جارىققا شىققان زەرتتەۋ جۇمىسىنا سۇيەنسەك، توق ىشەككە جاسالعان وتادان سوڭ ساعىز شايناۋ، ەمدەلۋشىنىڭ تەز ارادا ساۋىعۋىنا اسەر ەتەدى. سەبەبى، ساعىز تاماق سەكىلدى جۇيكە تالشىقتارىن قوزدىرۋ ارقىلى، اسقورىتۋ قىزمەتىنىڭ قايتا قالپىنا كەلتىرەتىن گورمونداردى وياتادى.

Massaget.kz