سەگىز گرادۋسقا دەيىن اياز: مەرەكە كۇندەرى قار جاۋىپ، داۋىل تۇرۋى مۇمكىن

نۇر-سۇلتان. قازاقپارات - قازگيدرومەت الداعى اۋا-رايىنا بولجام جاسادى. مەرەكە قارساڭىندا ەلىمىزدە جاۋىن- شاشىن مەن قار جاۋىپ، نايزاعاي مەن كۇشتى داۋىل تۇرادى دەپ كۇتىلۋدە.

سينوپتيكتەردىڭ بولجامىنشا، 30- ءساۋىر كوپتەگەن ايماقتاردا جاڭبىر جاۋىپ، كەي جەرلەردە قار ءتۇسۋى مۇمكىن. سونىمەن بىرگە، بۇرشاق جاۋىپ، قاتتى جەل تۇرادى دەپ كۇتىلۋدە.

ەلوردا مەن سولتۇستىك قازاقستاندا داۋىلدى ەسكەرتۋ جاريالاندى.

نۇر-سۇلتاندا 30- ءساۋىر كۇنى جاڭبىر، قار، نايزاعاي، بۇرشاق، كوكتايعاق بولادى دەپ كۇتىلۋدە. سولتۇستىك-باتىستان 15-20 م/س جىلدامدىقپەن جەل سوعادى. اۋا تەمپەراتۋرا تۇستەن كەيىن 0-2 دەيىن تومەندەيدى.

سولتۇستىكتە جاڭبىر جاۋىپ، قار تۇسەدى، كەي جەرلەردە كۇن كۇركىرەيدى، كوكتايعاق، بوران سوعادى، داۋىل مەن بۇرشاق جاۋادى. جەلدىڭ ەكپىنى 25 م/س دەيىن جەتەدى.

اۋا تەمپەراتۋراسى تۇندە 0-5، كەي جەرلەردە 8 گرادۋس اياز، كۇندىز 0-5، كەي جەرلەردە 8 گرادۋس جىلى بولادى.

ەلدىڭ باتىسىندا جانە سولتۇستىگىندە تەمپەراتۋرا تۇندە مينۋس 2 گرادۋسقا دەيىن تومەندەيدى، تەرمومەتر كورسەتكىشى 7- دەن 15 گرادۋسقا دەيىن نولدەن جوعارى بولادى.

قالعان وبلىستاردا جاڭبىر جاۋىپ، كۇن كۇركىرەيدى دەپ كۇتىلۋدە. تەمپەراتۋرا 15-25 گرادۋس جىلى بولادى.

1- مامىر كۇنى باتىس ايماقتاردا جاۋىن-شاشىن كۇتىلمەيدى، كۇندىز 10، كەيبىر جەرلەردە 20 گرادۋس نولدەن جوعارى بولادى.

ەلىمىزدىڭ سولتۇستىگى مەن شىعىسىندا مەرەكە كۇنى جاڭبىر جاۋىپ، كەي جەرلەرگە قار ءتۇسىپ، تۇمان مەن كوكتايعاق بولادى. تۇندە سىناپ باعاناسى 7 گرادۋسقا دەيىن تومەندەيدى، ال كۇندىز 3-11 گرادۋس جىلى بولادى.

رەسپۋبليكانىڭ وڭتۇستىگى مەن وڭتۇستىك- شىعىسىندا كۇن كۇركىرەپ، جاڭبىر جاۋادى، كەي جەرلەردە جاۋىن شاشىن مەن جەل سوعۋى مۇمكىن. تۇندە اۋا تەمپەراتۋراسى 2-10 گرادۋس، كۇندىز 12 - 20 گرادۋس جىلى بولادى.

2- مامىر كۇنى ەلىمىزدىڭ باتىس بولىگىندە جاۋىن-شاشىن بولمايدى، شىعىستا جاڭبىر جاۋادى، وڭتۇستىكتە نايزاعاي ويناپ، جاۋىنمەن قاتار جەل سوعادى.