ەلىمىزدىڭ سولتۇستىگىندە قار جاۋادى- قازگيدرومەت
قازاقستاننىڭ باسىم اۋماعىندا اتموسفەرالىق اۋا اعىنداردىڭ وتۋىنە بايلانىستى جاڭبىر جاۋادى، سولتۇستىك-باتىستا، سولتۇستىكتە جانە رەسپۋبليكانىڭ ورتالىعىندا جاۋىن-شاشىن، كوبىنەسە قار جاۋادى. كەي جەرلەرىندە تۇمان، جەل كۇشەيۋى، نايزاعاي، داۋىل كۇتىلەدى، بۇرشاق جاۋۋى مۇمكىن، وڭتۇستىكتە شاڭدى داۋىل كۇتىلەدى.
قىزىلوردا وبلىسىندا جەل كۇشەيۋى كۇتىلەدى تۇندە كەي جەرلەرىندە 15-20 م/س، كۇندىز باسىم بولىگىندە 15-20، كەي جەرلەرىندە 23-28 م/س، كەي جەرلەرىندە شاڭدى داۋىل، تانەرتەڭ جانە كۇندىز داۋىل كۇتىلەدى.
اقمولا، سولتۇستىك قازاقستان، قوستاناي وبلىستارىنىڭ كەي جەرلەرىندە كوكتايعاق، جاياۋ بۇرقاسىن، داۋىل كۇتىلەدى، بۇرشاق جاۋۋى مۇمكىن، جەل 15-20، ەكپىنى 25 م/س كۇشەيەدى. اقمولا وبلسىنىڭ كەي جەرلەرىندە نايزاعاي جارقىلدايدى.
پاۆلودار، قاراعاندى، شىعىس قازاقستان وبلىستارىندا جەلدىڭ جىلدامدىعى 25 م/س دەيىن جەتىپ، كۇندىز بۇرشاق جاۋۋى مۇمكىن.
تۇركىستان، جامبىل وبلىستارىندا تانەرتەڭ جانە كۇندىز، الماتى وبلىسىندا كۇندىز كەي جەرلەردە بۇرشاق جاۋۋى ىقتيمال، جەل 15-20 م/س سوعادى.
جامبىل، اتىراۋ وبلىستارىندا جەلدىڭ ەكپىنى 23 م/س كۇشەيەدى، تۇندە كەي جەرلەرىندە جەل 15-20 م/س جىلدامدىقپەن سوعادى.
اقتوبە وبلىسىنىڭ كەي جەرلەرىندە تۇمان تۇسەدى.