13:51, 29 - ءساۋىر 2019 | GMT +6
قازاق حاندىعىنىڭ استاناسى بولعان «سارايشىقتان» جاڭا جادىگەرلەر تابىلدى
نۇر-سۇلتان. قازاقپارات - تاسىن تۇرتسە، تاريح بوپ سويلەي جونەلەتىن قويناۋى شەجىرە مەن سىرعا تولى ەلىمىزدىڭ باتىس وڭىرىندە زەرتتەلمەگەن قورعاندار مەن كونە قالا ورىندارى جەتكىلىكتى، دەپ حابارلايدى «حابار 24».
سولاردىڭ ءبىرى - 13-15 - عاسىرلاردا سالتانات قۇرعان قازاق حاندىعىنىڭ استاناسى بولعان حان وردالى سارايشىق قالاسى. بيىل وسى «سارايشىق» مۋزەيىنە رەسپۋبليكالىق مارتەبە بەرىلدى. العاشقى قازبا جۇمىستارى كەزىندە ورتا عاسىرلاردا پايدالانىلعان تاس ديىرمەن تابىلدى.
«بۇل قول ديىرمەن ەمەس، اتتىڭ قوزعالتۋىمەن سۋ بولماسا جەلدىڭ كومەگىمەن جۇمىس ىستەگەن»، - دەيدى ماماندار.
سونىمەن قاتار وزبەك حاننىڭ داۋىرىندەگى مەتالل اقشالار، تۇرعىندار پايدالانىلعان قىش ىدىستار دا تابىلىپ جاتىر.
ايبەك تۇرار ۇلى، ارحەولوگ:
- ديامەترى 94 سانتيمەتر، قالىڭدىعى 10 سانتيمەتردەي بولادى. ۇن يلەۋىنە قاراعاندا، ورتا عاسىرلارعا ءتان بولۋى مۇمكىن.
