شي جينپيڭ نۇرسۇلتان نازاربايەۆتى ق ح ر دوستىق وردەنىمەن ماراپاتتادى
بۇل تۋرالى ەلباسىنىڭ باسپا ءسوز حاتشىسى ايدوس ۇكىباي Twitter- دەگى پاراقشاسىندا جازدى.
«نۇرسۇلتان نازاربايەۆ قىتاي حالىق رەسپۋبليكاسىنىڭ دوستىق وردەنىمەن ماراپاتتالدى»، - دەپ جازدى ول.
بۇعان دەيىن ەلباسى قىتايلىق اكتەر جەكي چانمەن كەزدەسكەنىن حابارلاعان ەدىك. اڭگىمەلەسۋ بارىسىندا نۇرسۇلتان نازاربايەۆ اكتەردىڭ الەمدىك كينەماتوگرافياداعى ماڭىزدى ءرولىن اتاپ ءوتتى.
ايتا كەتەيىك، نۇرسۇلتان نازاربايەۆ «ءبىر بەلدەۋ، ءبىر جول» II حالىقارالىق ىنتىماقتاستىق فورۋمىنا قاتىسۋ ءۇشىن قىتاي حالىق رەسپۋبليكاسىنا بارعان بولاتىن. ەلباسى شارانىڭ سالتاناتتى اشىلۋى بارىسىندا سويلەگەن سوزىندە «ءبىر بەلدەۋ، ءبىر جول» باستاماسىنىڭ العاشقى، تابىستى جەتىستىكتەرىن اتاپ ءوتتى.
سونداي-اق اتالمىش باستاما ارقىلى ەۋرازيا قۇرلىعى قايتا بىرىگىپ، ەكى مىڭ جىل بۇرىنعىداي ءبىر ارناعا توعىسقانىنايتتى.
ال فورۋم سەسسياسىندا ەلباسى قازىرگى زامانعى جاھاندىق سىن-قاتەرلەرگە توتەپ بەرۋدىڭ جولدارى تۋرالى ءسوز سويلەپ، جاڭا گەوساياسي احۋالدىڭ «ءۇش د» ۇلگىسىن ۇسىندى.