ق ر پرەزيدەنتى پراۆوسلاۆ حريستياندارىن پاسحا مەرەكەسىمەن قۇتتىقتادى
«قۇرمەتتى وتانداستار!
بارشا پراۆوسلاۆ حريستياندارىن پاسحا مەرەكەسىمەن قۇتتىقتايمىن!
بۇل كۇن ءدىندار ادامداردىڭ جۇرەگىن مەيىرىم مەن قۋانىشقا بولەپ، رۋحاني قۇندىلىقتار مەن بيىك ادامگەرشىلىك يدەالداردى قۇرمەتتەۋگە، يگى ىستەرگە ۇندەيدى.
ءداستۇرلى پاسحا مەيرامى وتباسىلىق قاسيەتتەردى، قايىرىمدىلىقتى، جاقىن جانعا دەگەن ماحاباتتى، ادامداردىڭ ءبىر- بىرىنە جاناشىرلىق تانىتۋىن ۇلىقتايدى.
قازاقستان رەسپۋبليكاسىنىڭ تۇڭعىش پرەزيدەنتى - ەلباسىنىڭ كەمەل ساياساتىنىڭ ارقاسىندا ەلىمىزدە بەيبىتشىلىك پەن كەلىسىم ورناعان، سونداي-اق، بارلىق ەتنوستار مەن كونفەسسيالار ءوزارا سىيلاستىقتا ءومىر سۇرۋدە.
قازاقستاندىقتار ءوسىپ-وركەندەۋ جانە دامۋ جولىندا ءاردايىم ىنتىماق پەن بىرلىك تانىتىپ كەلەدى.
پاسحا مەيرامى سىزدەرگە باق-بەرەكە اكەلىپ، يگى باستامالارىڭىزدىڭ جارشىسى بولسىن!» - دەلىنگەن مەملەكەت باسشىسىنىڭ قۇتتىقتاۋىندا.
ايتا كەتەيىك، پاسحا مەيرامى پراۆوسلاۆ حريستياندارىنىڭ باستى مەرەكەسى سانالادى. بۇل كۇنى 48 كۇنگە سوزىلعان اۋىز بەكىتۋ اياقتالادى. وسى ۋاقىت ارالىعىندا حريستيان ءدىنىن ۇستاناتىندار مال ەتىنەن باس تارتىپ، جامان ادەتتەردەن بويىن اۋلاق ۇستايدى. بويىن تارتىپكە ۇيرەتىپ، ءجيى سىيىنادى. وسىلايشا رۋحاني تازارادى.
پاسحاعا حريستياندار ەرەكشە دايىندالادى: ۇيلەرىن تازالاپ، مەرەكەلىك استاردى ازىرلەيدى. بويالعان جۇمىرتقالاردى پىسىرەدى.
مەرەكەنىڭ ۋاقىتى ءار جىلى ءار كۇنگە ءتۇسىپ وتىرادى، ءبىراق ءساۋىر ايىندا نەمەسە مامىر ايىنىڭ باسىندا بولادى.