قولىڭىزعا زەر سالىڭىز

نۇر-سۇلتان. قازاقپارات - قولىڭىز قىسى-جازى ءبىر جىلىمايتىن بولسا، وندا اياق-قولداعى قان اينالىمىنىڭ بۇزىلعانى.

قوس الاقانىڭىز شوققا قاقتاعانداي ۇنەمى لاپىلداپ، قىزىپ جۇرسە، باۋىردىڭ ۋىتقا قارسى "قايراتىنىڭ" كەمي باستاعانى.

 الاقانىڭىز قارادان- قاراپ تەرشىپ، دىمدانىپ، ايتپەسە قۇرعاپ، بوزارىپ جۇرسە، قالقانشا بەز جۇمىسىنداعى اقاۋدىڭ سالدارى.

 قولىڭىزدىڭ تەرىسى اق جارعاقتانىپ، سىدىرىلىپ تۇسە باستاسا، تانىڭىزدە ا، د دارۋمەندەرى تاپشى.

شىناشاعىڭىز اۋىق اۋىق جانسىزدانىپ قالعانداي سەزىلەتىن بولسا، جۇرەك قان تامىرلارى جۇيەڭىزدە اقاۋ بار.

 اۋىق- اۋىق جانسىزدانۋ ۇلكەن ساۋساقتاردان بايقالسا، تىنىس جولىنداعى كەسەلدىڭ حابارشىسى.

ساۋساقتىڭ ەڭ تومەنگى، ياعني الاقانعا ۇشتاسقان تۇسىنداعى بۋىنعا تەرەڭ، كولبەۋ اجىمدەر تۇسسە، سۋسامىرعا شالدىعۋىڭىز عاجاپ ەمەس.

 ساۋساقتارىڭىزدىڭ ۇشى قان قىزىل تۇسكە ەنسە، اس قورىتۋ جۇيەڭىزدەگى اقاۋدى، قوڭىر قىزىل تۇسكە ەنسە، باۋىر مەن بۇيرەكتەگى كەسەلدى اڭعارتادى.

 وڭ قولداعى سۇق ساۋساق ۇشىنىڭ ەكى قاپتالى دۋىلداپ، قىشي بەرسە، توق ىشەگىڭىزدى ءبىر تەكسەرتىپ الىڭىز.

سۇق ساۋساقتىڭ ىشكى جاعى جارعاقتانىپ، تەرىسى تۇلەي بەرسە، ءوتقالتاسى جۇمىسىنىڭ بۇزىلعانى.

الاقان مەن ساۋساقتاعى بۇل وزگەرىستەر، ارينە، اۋرۋىڭىزدى ءوزىڭىز «انىقتاپ» ، ءوزىڭىز «ەم» تاعايىنداۋىڭىز ءۇشىن ەمەس، دارىگەرگە كورىنىپ، تەكسەرىلۋىڭىزگە ناقتى سەبەپ.