مەملەكەت باسشىسى اسكەري ءتارتىپتى كۇشەيتۋ جونىندە ءبىرقاتار تاپسىرمالار بەردى
مەملەكەت باسشىسىنا قازاقستان رەسپۋبليكاسى قارۋلى كۇشتەرىنىڭ اسكەري دايىندىعىنىڭ جاعدايى جانە ەلىمىزدى قورعاۋ جوسپارلارىن جۇزەگە اسىرۋ جونىندەگى باس شتابتىڭ جۇرگىزىپ جاتقان جۇمىسى تۋرالى باياندالدى.
قاسىم-جومارت توقايەۆ اسكەري قاۋىپ تۋدىرۋى مۇمكىن جاعدايلاردى تالداۋ جۇمىستارىن كۇشەيتۋ، قارۋلى كۇشتەردى ودان ءارى دامىتۋدىڭ كونتسەپتۋالدى جولدارىن ازىرلەۋ قاجەتتىگىن ايتتى.
سونىمەن قاتار، م. بەكتانوۆ قازاقستان پرەزيدەنتىنە وسى كۇندەرى ءوتىپ جاتقان «ايبالتا-2019» ستراتەگيالىق كوماندالىق-شتابتىق وقۋ-جاتتىعۋ تۋرالى باياندادى.
سوڭىندا مەملەكەت باسشىسى اسكەري ساياسات سالاسىنداعى مەملەكەتتىك ورگانداردىڭ جۇمىستارىن ۇيلەستىرۋ، اسكەري ءتارتىپ دەڭگەيىن كۇشەيتۋ، سونداي-اق، ءوتىپ جاتقان وقۋ-جاتتىعۋ كەزىندە قاۋىپسىزدىكتى قامتاماسىز ەتۋ جونىندە ءبىرقاتار تاپسىرمالار بەردى.