پرەزيدەنتتىڭ اتىنا اشىلعان فەيك- اككاۋنتتار: بەرىك قۇرمانعالي تۇسىنىك بەردى
ب. قۇرمانعالي سوڭعى كەزدەرى ءارتۇرلى الەۋمەتتىك جەلىلەردە مەملەكەت باسشىنىڭ اتىنان اشىلعان جالعان پاراقشالاردىڭ كوبەيگەنىن، ولاردىڭ ءتۇرلى ماقساتتا پايدالانىلىپ جاتقانىن اتاپ ءوتتى.
«سوڭعى كەزدەرى ءارتۇرلى الەۋمەتتىك جەلىلەردە مەملەكەت باسشىنىڭ اتىنان اشىلعان فەيك اككاۋنتتار كوبەيىپ كەتتى. سول ارقىلى جالعان اقپارات تاراتىپ جاتقاندار دا بار، كەيبىرى ونى كوممەرتسيالىق ماقساتتا قولدانۋدا. وسىعان بايلانىستى بارشا الەۋمەتتىك مەديا قولدانۋشىلار مەن باق وكىلدەرىنە ەسكەرتەرىمىز - قازاقستان پرەزيدەنتى قاسىم- جومارت توقايەۆتىڭ اتىنا رەسمي تىركەلگەن ەكى اككاۋنت قانا بار. ولار: Twitter جەلىسىندە 2011 - جىلدان بەرى جۇمىس ىستەپ كەلە جاتقان - @TokayevKZ، سونداي- اق 2019 -جىلدىڭ ءساۋىر ايىندا Instagram جەلىسىندە اشىلعان @tokayev_online اككاۋنتى»، - دەپ جازدى ول.
ب. قۇرمانعالي مەملەكەت باسشىسى تۋرالى ناقتى راستالعان اقپارات الۋ ءۇشىن بارشا الەۋمەتتىك جەلى قولدانۋشىلارىن جوعارىدا كورسەتىلگەن رەسمي اككاۋنتتارعا عانا جۇگىنۋگە شاقىردى.
اۆتور: ايجان سەرىكجان قىزى