وزبەكستاندىق جانكۇيەرلەرى ديماش قۇدايبەرگەندى تاشكەنتتە قۇشاق جايا كۇتىپ الدى

None
None
نۇر- سۇلتان. قازاقپارات - ديماش قۇدايبەرگەننىڭ وزبەكستاندىق فان كلۋبى ءانشىنى تاشكەنتتەگى اۋەجايدان قۇشاق جايا كۇتىپ الدى، دەپ حابارلايدى قازاقپارات ءتىلشىسى.

قۇشاق- قۇشاق گۇلدەر، شار مەن نان ۇستاعان جانكۇيەرلەر - ءانشىنىڭ وزبەكستاندىق فاناتتارى ديماشتى قالاي كۇتىپ العانىن فانكلۋبتىڭ Instagram پاراقشاسىندا جاريالادى.

ەسكە سالا كەتسەك، بۇگىن قازاقستان پرەزيدەنتى قاسىم- جومارت توقايەۆتىڭ وزبەكستانعا العاشقى مەملەكەتتىك ساپارى باستالعان بولاتىن. ساپار بارىسىندا تاشكەنتتە وزبەكستانداعى قازاقستان جىلى سالتاناتتى تۇردە اشىلادى. وندا قازاقستاننىڭ بەلگىلى انشىلەرى ونەر كورسەتەدى.

ديماش قۇدايبەرگەننىڭ اكە- شەشەسى قانات پەن سۆەتا ايتبايەۆتاردىڭ Instagram پاراقشاسىنان حابارلانعانداي، «Ozbekiston»  تەلەارناسىندا قازاق اندەرى شىرقالاتىن بولادى. ايتبايەۆتاردىڭ Instagram پاراقشاسىندا وزبەكستان ارتىستەرى جاقسىكەلدى سەيىلوۆتىڭ «جەزكيىك» ءانىن شىرقاپ جاتقانىن كورۋگە بولادى.

بۇدان بۇرىن حابارلانعانداي، قازاقستان پرەزيدەنتى قاسىم- جومارت توقايەۆتىڭ وزبەكستانعا العاشقى مەملەكەتتىك ساپارى كەزىندە قالا بيلىگى تاشكەنت كوشەلەرىن قازاقستان سيمۆوليكالارىمەن ارلەپ تاستاعان.

سونىمەن بىرگە، وزبەكستان استاناسىندا مەملەكەتتىك مۋزەيدە «ۇلى دالا: تاريح جانە مادەنيەت» اتتى كورمە اشىلدى. وندا قازاقستان رەسپۋبليكاسىنىڭ سيمۆول سانالاتىن «التىن ادام» قويىلدى.

ودان بولەك، ءو ز ا ۇلتتىق اقپاراتتىق اگەنتتىگى وزبەكستانداعى قازاقستان جىلىنىڭ جاريالانۋىنا بايلانىستى سايتتىڭ قازاق تىلىندەگى نۇسقاسىن شىعاردى.

سوڭعى جاڭالىقتار