ورتالىق ازياداعى وڭ پروتسەستەر ءوڭىردىڭ ءداستۇرلى سەرىكتەستەرىنىڭ دە مۇددەسىنە ساي - ق. توقايەۆ

None
None
تاشكەنت. ءوزا- قازاقپارات - ورتالىق ازياداعى قازىرگى وڭ پروتسەستەر ءوڭىردىڭ ءداستۇرلى سەرىكتەستەرىنىڭ دە مۇددەسىنە ساي كەلەدى.

وزبەكستاننىڭ « ءوزا» ۇلتتىق اقپارات اگەنتتىگىنە سۇحبات بەرگەن ق ر پرەزيدەنتى قاسىم- جومارت توقايەۆ وسىلاي ايتتى، دەپ حابارلايدى قازاقپارات ءتىلشىسى.

ق ر پرەزيدەنتى تاۋەلسىزدىك العان جىلدارى كوپتەگەن ساراپشىلار مەن باقىلاۋشىلار ورتالىق ازيانىڭ دامۋى تەرىس سەناريمەن جۇرەتىنىن، جاڭادان قۇرىلعان مەملەكەتتەردىڭ ىدىراپ، لاڭكەستەر قاتەرى ارتاتىنىن، قانداي دا ءبىر «حاليفاتتىڭ» قۇرىلاتىنىن، ىشكى جانجال ءورشىپ، ەكونوميكالىق جانە الەۋمەتتىك كۇيرەۋ ورىن الاتىنىن بولجاعانىن اتاپ ءوتتى. ەگەمەندىك جىلدارىندا ورتالىق ازيانىڭ ءاربىر مەملەكەتى دۇرىس شەشىم قابىلداپ، وڭىردەگى تۇراقتىلىقتى ساقتاعانىن باسا ايتتى.

 «بۇگىندە ورتالىق ازيا ءوز قالىپتاسۋىنىڭ جاڭا كەزەڭىن باستان كەشىرىپ جاتىر. مەملەكەتارالىق ىنتىماقتاستىق نىعايتۋ، وزەكتى ماسەلەلەردىڭ بارلىق سپەكترى بويىنشا ءوزارا قولايلى شەشىمدەرىن شىنايى ىزدەۋ تەندەنتسياسى بايقالادى. بۇل ءۇشىن ەڭ باستىسى - ءوڭىردىڭ بارلىق كوشباسشىلارىنىڭ ساياسي ەرىك- جىگەرى، تاتۋ كورشىلىك جانە ءوزارا مۇددەلىك ۇستانىمى نەگىگىندە ىنتىماقتاستىقتى دامىتۋعا دايىندىق بار. 2018 -جىلدىڭ ناۋرىزىندا قازاقستاننىڭ ەلورداسىندا ورتالىق ازيا مەملەكەتتەرى باسشىلارىنىڭ ءبىرىنشى كونسۋلتاتيۆتىك كەزدەسۋى ءوتتى. بۇل وقيعا وڭىرلىك ىنتىماقتاستىقتىڭ جاڭا كەزەڭىنە اينالعانى اسىرا ايتقاندىق ەمەس. كەزدەسۋ بارىسىندا بەسجاقتى ىنتىماقتاستىقتىڭ بازالىق باسىمدىقتارى ايقىندالىپ، كەلەشەككە جوسپارلار ءتۇزىلدى. ورتالىق ازيا ەلدەرى اراسىنداعى ساياسي ديالوگ دەڭگەيى ايتارلىقتاي كوتەرىلدى، وڭىرىشىلىك جانە حالىقارالىق كۇن تارتىبىندەگى ماسەلەلەردىڭ باسىم بولىگى بويىنشا ۇستانىمداردىڭ جاقىندىعى نەمەسە سايكەستىگى ناقتىلاندى» ، - دەدى ق ر پرەزيدەنتى.

مەملەكەت باسشىسىنىڭ اتۋىنشا، ىنتىماقتاستىقتىڭ جاڭا ديناميكاسى قازىردىڭ وزىندە ءوز جەمىسىن بەرىپ وتىر. ورتالىق ازيادا تاۋار اينالىمى ايتارلىقتاي ارتتى، اۆيا، اۆتوموبيل جانە تەمىر جول باعدارلارى اشىلدى. وتكىزۋ بەكەتتەردى جاڭعىرتىلىپ، ينفراقۇرىلىمدىق جوبالار جۇزەگە اسىرىلىپ جاتىر. وڭىرىشىلىك ەكونوميكالىق بايلانىستار نىعايىپ، سۋ رەسۋرستارى مەن ەكولوگيانى ءتيىمدى پايدالانۋ ماسەلەلەرى بىرگە شەشىلۋدە.

 «ايماق تانۋ مەن كووپەراتسيا تەندەنتسياسى قازىرگى الەم دامۋىنىڭ اجىراماس بولىگى سانالادى. ءتىپتى ءىرى جانە باقۋاتتى ەلدەردىڭ ءوزى سەرىكتەستەرىمەن تىعىز ءوزارا ءىس- قيمىلدى جولعا قويادى. الەمدىك تاجىريبە كورسەتىپ وتىرعانداي، شاعىن جانە ورتا مەملەكەتتەرگە ىنتىماقتاستىقتىڭ ءتيىمدى تۇعىرناماسىن قۇرۋ جانە كووپەراتسيالىق بايلانىستاردى كەڭەيتۋ - ومىرلىك قاجەتتىلىك. ونسىز ۇزاقمەرزىمدى جانە تۇراقتى دامۋ مۇمكىن ەمەس. بۇل رەتتە ءبىزدىڭ ەلدەرىمىزدىڭ تابيعي جاقىنداسۋىن قانداي دا ءبىر «بلوكتىق مەنتال» ارناسىندا تۇسىندىرۋگە بولمايدى. ورتالىق ازياداعى قازىرگى وڭ پروتسەستەر بىزگە عانا ءتيىمدى ەمەس، سونىمەن بىرگە ءوڭىردىڭ ءداستۇرلى سەرىكتەستەرىنىڭ مۇددەسىنە دە ساي كەلەدى. قازاقستان مۇددەلىك تانىتقان مەملەكەتتەردىڭ كەز كەلگەنىمەن ىنتىماقتاستىقتىڭ بارلىق فورماسى ءۇشىن اشىق» ، - دەدى ق. توقايەۆ.

سوڭعى جاڭالىقتار