سەكسەن جىلدان كەيىن ءالپى تاۋلارىندا قار قالمايدى
عالامدىق جىلىنۋعا بايلانىستى مامانداردىڭ ارنايى زەرتتەۋ ناتيجەسى Cryosphere باسىلىمىندا جاريالاندى. ادامدار مۇنىڭ الدىن الۋ ءۇشىن ەش امال تاپپايتىن دا كورىنەدى. شۆەيتساريالىق مامانداردىڭ زەرتتەۋى بويىنشا 2100 -جىلعا قاراي ءالپى تاۋلارىنداعى قازىرگى اق قار مەن كوك مۇزدىڭ نەبارى %5 ى عانا قالادى ەكەن. ەكولوگ- عالىمدار زەرتتەۋ جۇمىستارىن ءۇش باعىت بويىنشا جۇرگىزگەن. ءبىرىنشىسى - قار قۇرساۋىنىڭ قازىرگى كۇيى، ەكىنشىسى - قورعاۋ شارالارىنىڭ قولعا الىنباۋى جانە ءۇشىنشىسى - عالامدىق جىلىنۋعا قارسى كۇرەس تۇرعىسى.
زەرتتەۋشىلەر قانداي شارا قولعا الىنسا دا، الپىدەگى قاردىڭ ەرۋىن توقتاتۋ قيىن ەكەنىن العا تارتۋدا. وعان سەبەپ - پارنيكتىك گازداردىڭ كوپتەپ ءبولىنۋى. سوندىقتان دا ولار "80 جىلدان كەيىن ءالپى تاۋلارى اق قارسىز قالاتىنىنا دايىندالا بەرگەن دۇرىس- اق" دەيدى.
Massaget.kz