عارىشكەرلەرگە ارنالعان اس ءمازىرى وتە ءدامدى - ايىمبەتوۆ

None
None
 نۇر- سۇلتان. قازاقپارات - قازاقستاننىڭ ءۇشىنشى عارىشكەرى ايدىن ايىمبەتوۆ «جاس سارباز» اسكەري- پاتريوتتىق قوزعالىسىنىڭ تاربيەلەنۋشىلەرىمەن كەزدەستى. بۇل تۋرالى نۇر- سۇلتان اكىمدىگىنىڭ رەسمي سايتى حابارلادى.

كەزدەسۋ بارىسىندا ايدىن ايىمبەتوۆ قازاقستانداعى عارىش سالاسىنىڭ جوبالارى جايلى اڭگىمەلەدى.

«قازاقستاننىڭ عارىش سالاسىنداعى ەڭ ۇلكەن جاڭالىعى - جەلتوقسان ايىندا جەردى جاساندى زوندتاۋدىڭ ەكى سەرىگىن ۇشىرۋ. ارينە، قازاقستاندىق عارىش عىلىمى دامىپ كەلەدى. ەلوردادا ۇلتتىق عارىش كەشەنى سالىندى. قازىر قازاقستاننىڭ التى ءوز سپۋتنيگى بار. «بايقوڭىر» عارىش ايلاعىندا «بايتەرەك» كەشەنىنىڭ قۇرىلىسى ءجۇرىپ جاتىر. بۇل ۇزاق مەرزىمدى جوبالاردىڭ پايداسىن جاقىن ارادا كورەمىز دەۋ - ابەستىك. عارىشتى دامىتۋعا سالىنعان قاراجات اراعا ءبىراز ۋاقىت سالىپ، ون ەسە ناتيجەسىن بەرەدى دەپ ايتۋعا بولادى» ، - دەيدى ايدىن ايىمبەتوۆ.

بالالاردى عارىشكەرلەردىڭ نەمەن تاماقتاناتىنى، وتريادتارعا قالاي كىرۋگە بولاتىندىعى، ۇشقىشتار ۇشۋ كەزىندە قانداي اۋىرتپالىقتاردى باستان وتكەرەتىندىگىنە قاتىستى سۇراقتار قىزىقتىردى. سونداي- اق، ايدىن ايىمبەتوۆ عارىشكەرلەر تەك قانا تيۋبيك تاعامىن جەيتىنى تۋرالى اقپاراتتى جوققا شىعاردى.



«بۇل وتكەننىڭ ەنشىسىندە قالدى. شىن مانىندە، عارىشكەرلەرگە ارنالعان اس ءمازىرى وتە ءدامدى! ۇشۋ كەزىندە ءبىز ءار ەلدىڭ عارىشكەرلەرىمەن دوس بولدىق. ءبىزدىڭ راتسيوندا جاپوندىق كالمار جانە امەريكاندىق شوكولاد بولدى. ءبىز قىمىز، قۇرت جانە باسقا دا ونىمدەرىمىزدى قازاقستاننان سالەمدەمە رەتىندە ۇسىندىق» ، - دەدى ايدىن ايىمبەتوۆ.

BAQ. KZ

سوڭعى جاڭالىقتار