ەكى رەت وتەدى: كورىپكەلدەر پرەزيدەنت سايلاۋى تۋرالى نە دەيدى؟
ماماندار ەلدى بولاشاقتا باسقاراتىن پرەزيدەنتكە ۇمىتكەرلەردىڭ تۋعان كۇندەرىنە قاراپ، كىمنىڭ ايى وڭىنان تۋىپ، كىمنىڭ بۇل لاۋازىمعا قول جەتكىزەتىنىن بولجاۋدا دەپ حابارلايدى ەۋرازيا ءبىرىنشى ارناسى.
ارقاسى بارلاردىڭ ءبىرى اتا-بابالارىمەن بايلانىسقا تۇسسە، وزگەسى وتپەن ءتۇرلى جورامالدار جاساۋدا. ايتقاندارى ءارتۇرلى بولعانىمەن، ءبارى ءبىراۋىزدان بۇل سايلاۋ بۇرىنعىعا قاراعاندا الدەقايدا قىزۋ-تارتىسقا تولى بولادى دەيدى.
«ءوز باسىم پرەزيدەنتتىككە ۇمىتكەر رەتىندە تەك ءۇش ادامدى كورىپ وتىرمىن»، - دەيدى ەكستراسەنس ۆيكتور الەكساندروۆسكي.
قازىر الەۋمەتتىك جەلىدە سايلاۋعا ءتۇسۋى مۇمكىن كانديداتتاردىڭ اتى-جوندەرى ايتىلۋدا. ازىرگە بولجامعا سايكەس، ازات پەرۋاشەۆ، ءالي بەكتايەۆ، ايقىن قوڭىروۆ، جارماقان تۇياقبايەۆ سەكىلدى پارتيا وكىلدەرى ماڭىزدى دودادا باقتارىن سىنايدى. ال، كەيبىر باقسى-بالگەرلەر بولسا، ولاردىڭ سايلاۋعا قاتىسقان كۇننىڭ وزىندە جەڭىسكە جەتۋى ەكىتالاي دەيدى.
«سايلاۋ ۇلكەن دۇربەلەڭمەن وتەدى. تالاس-تارتىس بولادى جانە سايلاۋ ەكى رەت وتەدى. تىلسىم كۇشتەردىڭ ەسكەرتۋى بويىنشا ەكى-ءۇش ادامنىڭ مۇمكىندىگى بار. ءبىراق، ونى بىزدەر ازىرگە ايتا قويمايمىز. ويتكەنى، ءالى تولىق ەشكىم ءوزىن ۇسىنىپ، جارىسقا تۇسە قويعان جوق. ءبىراق، بۇلاردىڭ ىشىندە ەل باسقارۋعا لايىق ازاماتتار بار»، - دەيدى توقبەرگەن بايتاسوۆ.
نۋمەرولوگ قۇرالاي باقىت قىزىنىڭ سوزىنشە، سەناتور ءالي بەكتايەۆتىڭ كودىندا ۇكىمەت جۇمىسىن ىستەيتىن شەنەۋنىكتىڭ كودى بار. دەگەنمەن، ول پرەزيدەنت بولۋعا 100 پايىز كەپىلدىك بولا المايدى.
ال، ازات پەرۋاشەۆ پەن ايقىن قوڭىروۆتىڭ مەملەكەتتىك قىزمەتتە ەمەس بيزنەستە ءبىراز جەتىستىككە قول جەتكىزەتىن كورىنەدى. سوندىقتان دا سايلاۋعا تۇسۋگە ءالى ەرتەرەك دەيدى نۋمەرولوگ. دەگەنمەن، الداعى دودا ەگەر قاتىسقان جاعدايدا ولاردىڭ تانىمالدىلىعى ارتىپ، تاجىريبە جينايدى.
