ءالىمحان ۇلى مەكسيكالىقپەن تيتۋلدىق جەكپە-جەك الدىندا سالماق ولشەۋدەن ءوتتى

None
None
نۇر-سۇلتان. قازاقپارات - كەشە لوس-اندجەلەستە ۆاسيلي لوماچەنكو (12-1، 9 ك و) - ەنتوني كروللا (34-6-3، 13 ك و) بوكس كەشىنە ارنالعان سالماق ولشەۋ ءراسىمى بولدى، دەپ حابارلايدى قازاقپارات Sports.kz-كە سىلتەمە جاساپ.

وسى بوكس كەشىندە قازاقستاندىق كاسىپقوي بوكسشى جانىبەك ءالىمحان ۇلى (5-0، 2 ك و) دا كەزەكتى جەكپە-جەگىن وتكىزەدى.

بوكسشى Instagram پاراقشاسىندا جەكپە-جەككە دايىن ەكەندىگىن جازدى.

«ءوزىمنىڭ بوكس تاريحىمدا 160 فۋنتتا سالماققا ءبىرىنشى رەت ءتۇستىم. ەش قينالمادىق. دەنساۋلىق تا كوڭىل كۇي دە تاماشا. بۇل مەنىڭ سالماعىم! بۇيىرتسا ەرتەڭ جەكپە-جەك. ساقاداي سايمىز!»، - دەپ جازدى ول.

جانىبەكتىڭ قارسىلاسى - تاجىريبەلى مەكسيكالىق كريستيان وليۆاس (16-4، 13 ك و). بوكسشىلار ورتا سالماقتاعى WBO Global جانە WBC Continental Americas بەلبەۋلەرىن ساراپقا سالادى.

ءالىمحان ۇلىنىڭ سالماعى تالاپقا ساي ءدال 160 فۋنت بولدى. وليۆاس ودان ءسال جەڭىلىرەك - 159,2 فۋنت.

كەزدەسۋ Staples Center ارەناسىندا وتەدى. ونى قازاقستاندىقتار 13- ءساۋىر كۇنى نۇر-سۇلتان ۋاقىتىمەن تاڭعى 07:00 دەن باستاپ «Qazsport» تەلەارناسىنان تىكەلەي ەفيردەن كورە الادى.

سوڭعى جاڭالىقتار