قاسىم- جومارت توقايەۆ تەڭىز اكادەمياسىنا باردى
قازاقستان پرەزيدەنتى بەسىنشى كاسپيي سامميتىندە قول جەتكىزگەن ۋاعدالاستىقتاردىڭ قورىتىندىسى بويىنشا 2018 -جىلى ش. ەسەنوۆ اتىنداعى كاسپيي مەملەكەتتىك تەحنولوگيالار جانە ينجينيرينگ ۋنيۆەرسيتەتىنىڭ جانىنان اشىلعان تەڭىز اكادەمياسىنىڭ جۇمىسىمەن تانىستى.
مەملەكەت باسشىسى كەمە جۇرگىزۋشىلەردىڭ، كەمە مەحانيكتەرىنىڭ، شتۋرمانداردىڭ كوپ فۋنكتسيالىق ترەناجەرلىك سىنىپتارى، سونداي- اق، العاشقى مەديتسينالىق كومەك كورسەتۋگە، ورتكە قارسى جانە قۇتقارۋ جۇمىستارىن ۇيىمداستىرۋعا ارنالعان ءدارىسحانالارى بار اكادەميانىڭ كوپبەيىندى ماتەريالدىق- تەحنيكالىق بازاسىن ارالاپ كوردى.
ستۋدەنتتەرمەن بەيرەسمي اڭگىمەلەسۋ بارىسىندا قاسىم- جومارت توقايەۆ زاماناۋي ستاندارتقا ساي ساپالى ءارى ارنايى ءبىلىم الۋدىڭ ماڭىزدىلىعىن اتاپ ءوتىپ، ولاردىڭ وقۋدا تابىستى بولۋىنا تىلەكتەستىك ءبىلدىردى.
ۋنيۆەرسيتەت ستۋدەنتتەرى وسكەلەڭ ۇرپاق ماسەلەلەرىنە ەرەكشە كوڭىل ءبولىپ، جاستار جىلى اياسىندا مەملەكەت تاراپىنان قولداۋ كورسەتىلىپ جاتقانى ءۇشىن قازاقستان پرەزيدەنتىنە العىس ايتتى.
سونىمەن قاتار، مەملەكەت باسشىسىنا ۋنيۆەرسيتەتتىڭ جۇمىستارى، سونىڭ ىشىندە 1200 ەرىكتىنى بىرىكتىرىپ وتىرعان «قوعامعا قىزمەت» باعدارلاماسى جونىندە اقپارات ۇسىنىلدى.
