تايلاندتا تۋريستەردىڭ ءولىم جازاسىنا كەسىلۋى مۇمكىن ەكەنى ەسكەرتىلدى

None
None
 استانا. قازاقپارات - تايلاندتىڭ پحۋكەت ارالىنداعى ماي كحاو جاعاجايى - جاقىن ماڭدا ورنالاسقان اۋەجاي ءۇشىن كەڭ تانىمالدىققا يە.

مۇندا تۋريستەردىڭ دەنى اۋەگە كوتەرىلىپ بارا جاتقان ۇشاقپەن سەليف جاساۋ ءۇشىن كەلەدى. الايدا تاياۋدا بۇل زاڭسىز بولماق. بۇل تۋرالى Vokrugsveta.ua حابارلايدى.

 حالىقارالىق پحۋكەت اۋەجايىنىڭ اكىمشىلىگى تۋريستەردى ماي كحاو جاعاجايىندا سەلفي جاساماۋعا شاقىردى. سەبەبى بۇل ۇشاقتى قوندىرعالى جاتقان ۇشقىشتارعا كەدەرگى كەلتىرەدى، دەيدى اۋەجاي وكىلدەرى.

 اۋەجاي باسشىسىنىڭ ورىنباسارى ۆيچيت كاوتايتيام جاعاجايدىڭ ۇستىنەن ۇشاق ۇشىپ وتەتىن بولىگى جابىلاتىنىن حابارلاعان. جاقىن ۋاقىتتا بۇل اۋماققا قورشاۋ ورناتىلادى. الايدا مۇنداعى ەڭ باستىسى سەليف جاساعانى ءۇشىن بەرىلەتىن جازا بولىپ وتىر. ءتارتىپ بۇزعاندارعا ايىپپۇل سالىنىپ قانا قويماي، ماكسيمالدى شارا رەتىندە ءولىم جازاسىنا كەسىلۋى مۇمكىن.

 اۋەجاي باسشىلىعىنىڭ سوزىنشە، سۋرەتكە تۇسكەن ادامدار ۇشقىشتاردى الاڭداتىپ، اپاتتىق جاعداي تۋعىزۋى مۇمكىن.

 ال پحۋكەت تۇرعىندارى مۇنداي تىيىمدى ءجونسىز دەپ ساناپ، اتالعان قاتاڭ جازادان باس تارتۋعا شاقىرۋدا. ولاردىڭ سوزىنشە، مۇنداي وزگەرىس تۋريستەردىڭ سانىن ازايتىپ، جەرگىلىكتى شاعىن بيزنەسكە كەرى اسەر ەتەدى.

سوڭعى جاڭالىقتار