داۋرەن ابايەۆ: يسلام - بەيبىتشىلىك پەن تولەرانتتىلىق ءدىنى

None
None
نۇر- سۇلتان. قازاقپارات - يسلام ءاردايىم بەيبىتشىلىك پەن تولەرانتتىلىقتىڭ، جاسامپازدىق پەن ۇيلەسىمدىلىكتىڭ ءدىنى بولىپ سانالادى.

بۇل تۋرالى بۇگىن ەلوردادا ءوتىپ جاتقان «رۋحاني جىبەك جولى. يسلام جانە جاستار: قازىرگى زامانعى سىن- قاتەرلەر» تاقىرىبىنداعى IV حالىقارالىق ءدىني- عىلىمي كونفەرەنسيادا ق ر اقپارات جانە قوعامدىق دامۋ ءمينيسترى داۋرەن ابايەۆ ايتتى، دەپ حابارلايدى قازاقپارات ءتىلشىسى.

«تۇڭعىش پرەزيدەنت- ەلباسىمىز نۇرسۇلتان نازاربايەۆ «ءدىننىڭ تۇتاستىعى - ەلدىڭ تۇتاستىعى»، «ءدىني الاۋىزدىق ۇلت الاۋىزدىعىنا اپارىپ سوقتىرادى» دەگەن ەدى. ءبىز ءدىنى مەن تىلەگى ءبىر، ءتىلى مەن ءداستۇرى جاقىن باۋىرلاس ەلدەرمىز. قازاقستان مەن وزبەكستان، تاجىكستان مەن قىرعىزستان جانە تۇرىكمەنستان مۇسىلماندار قاۋىمى كوپ شوعىرلانعان زايىرلى مەملەكەتتەر. بۇگىنگى كونفەرەنتسياعا رەسەي فەدەراتسياسى، قىتاي، فينليانديا مەن موڭعوليا ەلدەرىنىڭ وكىلدەرى دە ارنايى قاتىسىپ وتىر»، - دەپ اتاپ ءوتتى د. ابايەۆ.

 وسى رەتتە مينيستر تاۋەلسىزدىك العان جىلداردان بەرى ءبىزدىڭ رەسپۋبليكامىزدا يسلامنىڭ، جالپى ءدىننىڭ ءرولى ايتارلىقتاي ارتقانىن ايتتى.

 «ءبىزدىڭ حالىقتا، سىزدەردىڭ ەل تۇرعىندارى دا ىقىلىم زاماننان بەرى يسلامنىڭ حانافي ماسحابىن ۇستانادى. بۇل كونە داستۇرلەرىمىزبەن تىعىز ساباقتاسىپ جاتقان وبەكتيۆتى، راتسيونالدى قادامداردىڭ العا قوياتىن باعىتى. ورتالىق ازيادا يسلام ءاردايىم بەيبىتشىلىك پەن تولەرانتتىلىقتىڭ، جاسامپازدىق پەن ۇيلەسىمدىلىكتىڭ ءدىنى بولىپ سانالادى. ءبىز ءۇشىن وسى مۇرانى كوزدىڭ قاراشىعىنداي ساقتاۋ وتە ماڭىزدى»، - دەدى ول.

ونىڭ اتاپ وتۋىنشە، يسلامنىڭ دامۋىنا ورتالىق ازيا وركەنيەتتى تۇرعىدا زور ىقپالىن تيگىزگەن.

 «ءبىزدىڭ ەلدەردەن شىققان ۇلى ويشىلدار قۇران مەن سۇنەتتى دە جەتىك مەڭگەرگەن. سونداي- اق ولار گۋمانيتارلىق جانە جاراتىلىستانۋ عىلىمدارىن العا جىلجىتقان عالامات ءبىلىم يەلەرى ەدى. سول ۇلى تۇلعالارىمىز ادامزاتتىڭ تاريحىنداعى ماتەماتيكا مەن حيميانىڭ، ارحيتەكتۋرا، فيلوسوفيا مەن پوەزيانىڭ دامۋىنا ولشەۋسىز ۇلەس قوستى. ءابۋ- ناسىر ءال- فارابي، يمام ءال- بۋحاري، يمام ءال- تەرميزي، قوجا احمەت ياساۋي وزىق عىلىمي ويدىڭ الەمدىك تاريحىنا ەسىمدەرى التىن ارىپتەرمەن جازىلعان تۇلعالار. ورتالىق ازيا حالىقتارى وزدەرىنىڭ ويشىلارى سالىپ كەتكەن سارا جولمەن تۋرا ءجۇرىپ كەلەدى. اتادان قالعان مۇرانى، اماناتتى ساقتاۋ ءبىزدىڭ سالتىمىزعا اينالعان. ەڭ باستىسى رۋحاني جانە ءدىني قۇندىلىقتاردى قاستەرلەۋ ارقىلى زاماننىڭ دا كوشىنەن قالماي مەملەكەتىمىزدىڭ قارىشتاپ دامۋىنا دا كوپ كوڭىل ءبولىنىپ وتىر»، - دەدى داۋرەن ابايەۆ.

اۆتور: مارلان جيەمباي

سوڭعى جاڭالىقتار