ترامپ ا ق ش قۇپيا قىزمەتىنىڭ باسشىسىن قىزمەتىنەن بوساتتى
اقپاراتتى اق ءۇيدىڭ باسپا ءسوز حاتشىسى سارا ساندەرس راستادى، - دەپ حابارلايدى Tengrinews.kz ر ي ا نوۆوستي اقپارات پورتالىنا سىلتەمە جاساپ.
«ا ق ش قۇپيا قىزمەتىنىڭ باسشىسى رەندولف اللەس اگەنتتىكتە سوڭعى ەكى جىلدا تاماشا جۇمىس اتقاردى، پرەزيدەنت وعان ەلىمىزدە اتقارعان قىرىق جىل قىزمەتى ءۇشىن العىس ءبىلدىردى. ميستەر اللەس جاقىن ارادا قىزمەتىنەن كەتەدى. ترامپ ونىڭ ورنىنا دجەيمس ميۋررەيدى تاڭدادى»، - دەپ مالىمدەدى ساندەرس.
رەندولف اللەس ا ق ش قۇپيا قىزمەتىنىڭ ديرەكتورى بولىپ پرەزيدەنت بۇيرىعىمەن 2017 -جىلى ساۋىردە تاعايىندالعان. ا ق ش- تىڭ قۇپيا قىزمەتى امەريكالىق اقشانىڭ قولدان جاسالماۋىن قاداعالاۋعا، سونداي- اق ەل باسشىسى مەن جوعارى لاۋازىمدى قىزمەتكەرلەرىن، نەگىزگى ۇكىمەتتىك جانە ينفراقۇرىلىمدىق نىسانداردى قورعاۋعا جاۋاپ بەرەدى. سوڭعى ونجىلدىقتاردا قۇپيا قىزمەتتىڭ مىندەتىنە كيبەرقىلمىستاردى تەرگەۋ دە كىرەدى.
CNN تىلشىلەرى قىزمەتىنەن بوساتۋ شەشىمىن بولعان ءبىر وقيعامەن بايلانىستىرىپ وتىر. جاقىندا قىتاي ازاماتشاسى ق ح ر- دىڭ ەكى تولقۇجاتىمەن جانە فلەش- جادىمەن فلوريدا وڭتۇستىگىندەگى دونالد ترامپتىڭ مار- ا- لاگو اۋماعىنا زاڭسىز كىرگەن. بۇعان دەيىن دونالد ترامپ ا ق ش ىشكى قاۋىپسىزدىك مينيسترلىگىنىڭ باسشىسى كيرستەن نيلسەن وكىلەتتىگىن توقتاتقانىن جاريالاعان ەدى، ول 10 - ساۋىردە جۇمىس ورنىن بوساتۋى ءتيىس.
