پرەزيدەنت قوسشى اۋىلىن تازا اۋىز سۋمەن قامتاماسىز ەتۋ ماسەلەسىن تەز ارادا شەشۋدى تاپسىردى

نۇر-سۇلتان. قازاقپارات - قازاقستان پرەزيدەنتى قاسىم-جومارت توقايەۆ ۇكىمەت پەن اقمولا وبلىسىنىڭ اكىمىنە قوسشى اۋىلى حالقىن تازا اۋىز سۋمەن قامتاماسىز ەتۋدى تاپسىردى، دەپ حابارلايدى قازاقپارات پرەزيدەنتتىڭ تۆيتتەردەگى پاراقشاسىنا سىلتەمە جاساپ.

«ۇكىمەت پەن اقمولا وبلىسىنىڭ اكىمىنە قوسشى اۋىلى تۇرعىندارىن تازا اۋىز سۋمەن قامتاماسىز ەتۋ ماسەلەسىن تەز ارادا شەشۋدى تاپسىردىم. بۇل - تۇرعىنداردىڭ ءومىر ءسۇرۋ ساپاسىنا تىكەلەي اسەر ەتەتىن جۇيەلى ينفراقۇرىلىمدىق پروبلەما»، - دەپ جازدى قاسىم-جومارت توقايەۆ.

ايتا كەتەيىك، ەلوردا ماڭىنداعى قوسشى اۋىلىندا توتەنشە جاعداي ورىن الىپ، تۇرعىندار اۋىز سۋسىز قالعان بولاتىن. توتەنشە جاعدايلار كوميتەتىنىڭ ماسەلەسى جاقىن ارادا شەشىلەتىنىن مالىمدەدى.