دارحان مىڭباي: سايلاۋ - تاۋەلسىزدىگىمىزدەگى ماڭىزدى كەزەڭ

None
None
نۇر-سۇلتان. قازاقپارات - ق ر پرەزيدەنتىنىڭ كەزەكتەن تىس سايلاۋى - ءبىزدىڭ تاۋەلسىزدىگىمىزدەگى ماڭىزدى كەزەڭ. بۇل تۋرالى پارلامەنت ءماجىلىسىنىڭ دەپۋتاتى دارحان مىڭباي ءمالىم ەتتى، دەپ حابارلايدى قازاقپارات ءتىلشىسى.

«قازىر ءبىز تاريحي كەزەڭدى باستان وتكەرىپ جاتىرمىز. بۇل سايلاۋ ءبىزدىڭ تاۋەلسىزدىگىمىزدەگى ماڭىزدى كەزەڭ. ويتكەنى وسىنداي بيلىك ءترانزيتىن جۇزەگە اسىرۋدىڭ قادامى ءجۇردى. بۇل تۇرعىدا ءبىز پرەزيدەنتىمىزدى سايلاپ الىپ، تاس-ءتۇيىن بەكىنىپ، ارى قاراي ءوزىمىزدىڭ قازاقستاندىق جولىمىزدى جالعاستىرامىز دەپ ويلايمىن»، - دەدى دارحان مىڭباي ءماجىلىستىڭ جالپى وتىرىسىنان كەيىن.

ايتا كەتەيىك، كەشە مەملەكەت باسشىسى قاسىم-جومارت توقايەۆ وتاندىق تەلەارنالار ارقىلى قازاقستان حالقىنا ۇندەۋ ارناپ، وندا ەلىمىزدىڭ كونستيتۋتسياسىنا سايكەس قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىن 2019-جىلدىڭ 9- ماۋسىمىندا وتكىزۋ تۋرالى شەشىم قابىلداعانىن جاريالاعان بولاتىن.

«قازاقستان - دەموكراتيالىق مەملەكەت. پرەزيدەنت حالىقتىڭ تاڭداۋىمەن سايلانادى. مەن، مەملەكەت باسشىسى رەتىندە سايلاۋدىڭ تازا، اشىق ءارى ءادىل وتۋىنە كەپىلدىك بەرەمىن! بۇل - مەنىڭ بەرىك ۇستانىمىم! الدىمىزدا زور مىندەتتەر تۇر. مەن حالقىمىزعا، ياعني سىزدەرگە سەنەمىن»، - دەگەن ەدى ق. توقايەۆ.

سوڭعى جاڭالىقتار