الماتى وبلىسىندا ەكى ادامدى قۇتقارعان پوليتسەيلەر ماراپاتتالدى
«24- اقپانىندا شامامەن تاڭعى ساعات 5 دە الماتى وبلىسى پوليتسيا دەپارتامەنتى جول-پاترۋلدىك پوليتسياسى باتالونىنىڭ ينسپەكتورلارى يۆان بىكوۆ، شىڭعىس يمانبايەۆ جانە ايدوس مولداعاليەۆ قىزمەت اتقارۋ بارىسىندا تالعار اۋدانى، پانفيلوۆ كەنتى، مايلين كوشەسىندەگى 3№ ءۇيدىڭ شاتىرى جانىپ جاتقانىن بايقاپ، دەر كەزىندە تالعار اۋدانىنىڭ ءورت ءسوندىرۋ ءبولىمىنىڭ بايلانىس پۋنكتىنە، پوليتسيا باسقارماسىنا جانە جول-پاترۋلدىك پوليتسيا باتالونىنىڭ كەزەكشى بولىمىنە باياندادى»، دەلىنگەن حابارلامادا.
ورتەنىپ جاتقان ۇيدە ادامدار بار ەكەندىگىن جانە ءورتتىڭ شاتىردان بولمەلەرگە وتەتىنىن ۇققان پوليتسەيلەر ءوز ومىرىنە تونەتىن قاۋىپتى ويلاماي، ءورت سوندىرۋشىلەردىڭ كەلۋىن كۇتپەستەن ءۇيدىڭ يەسى 84 جاستاعى اجەسى مەن 35 جاستاعى نەمەرەسىن جانىپ جاتقان ۇيدەن الىپ شىقتى.
قىزمەتكەرلەردىڭ باتىل قيمىلداۋىنىڭ ارقاسىندا ەكى ادام قۇتقارىلدى.
الماتى وبلىسىندا ەكى ادامدى قۇتقارعان پوليتسەيلەر ماراپاتتالدى«قىزمەتتىك بورىشىن ورىنداۋ كەزىندە كورسەتكەن قايسارلىعى جانە ادام ءومىرىن قۇتقارعانى ءۇشىن پوليتسەيلەر قازاقستان رەسپۋبليكاسى ءى ءى م توتەنشە جاعدايلار كوميتەتىنىڭ ۆەدومستۆولىق ناگراداسىمەن ماراپاتتاۋعا ۇسىنىلدى.
الماتى وبلىسى توتەنشە جاعدايلار دەپارتامەنتىنىڭ ورىنباسارى سەرىكحان تۇراروۆ سالتاناتتى تۇردە ءۇش پوليتسيا قىزمەتكەرىنە ت ج ك ءتوراعاسى ۆلاديمير بەككەردىڭ قولى قويىلعان العىس حاتتاردى تابىس ەتتى»، - دەلىنگەن حابارلامادا.
س. تۇراروۆ پوليتسەيلەرگە ادامداردى قۇتقارعانى ءۇشىن العىس ءبىلدىرىپ، ەڭبەكتەرىندە تابىس تىلەدى.
