قانات يسلام قايتا ورالادى
- مەن AIBA بوكس اكادەمياسىندا جاتتىعۋ جۇمىستارىمدى باستادىم. قازىر قارقىندى جاتتىعىپ، جەكپە- جەككە دايىندالۋدامىن، - دەگەن بوكسشى سايتقا بەرگەن شاعىن سۇقباتىندا.
قازاقستاندىق بوكسشى وسىعان دەيىن شىلدە ايىندا شارشى الاڭعا ورالاتىنى جايلى ايتقان بولاتىن. قازاق جانكۇيەرلەرى بوكسشى جەكپە- جەكتەرىن ساعىنعانى راس. "Qazaq" دەگەن لاقاپ اتپەن تانىلعان قازاق بوكسشىسى 2017 -جىلدىڭ قىركۇيەك ايىنان بەرى جەكپە- جەك وتكىزگەن جوق. استانادا كانادالىق بوكسشى برەندون كۋكپەن جۇدىرىقتاسىپ، 9 راۋندتا تەحنيكالىق نوكاۋتپەن قارسىلاسىن جەڭگەن بولاتىن. ودان كەيىنگى جەكپە- جەگىن بىلتىر 23 - ماۋسىم كۇنى وتكىزەتىنى بەلگىلى بولعان ەدى. الايدا وتانداسىمىز جاتتىعۋ كەزىندە جاراقات الىپ، جەكپە- جەك وتپەي قالدى.
قانات يسلام 2011 -جىلدان بەرى كاسىپقوي بوكستا قازاق ەلىنىڭ اتىنان باق سىناپ كەلەدى. ال وعان دەيىن قىتاي ەلىندە ءجۇرىپ وليمپيادا ويىندارىنىڭ (2008 ج) جانە الەم چەمپيوناتىنىڭ (2007 ج) قولا جۇلدەگەرى اتانعان.
