الماتى جۇرتشىلىعى قاجىمقان ءماسىموۆتى اقتىق ساپارعا شىعارىپ سالدى

الماتى. قازاقپارات - الماتى جۇرتشىلىعى قوعام قايراتكەرى، قازاقستان ۇلتتىق اگروونەركاسىپتىك پالاتاسىنىڭ ءتوراعاسى قاجىمقان ءماسىموۆتى باقيلىق ساپارعا شىعارىپ سالدى، دەپ حابارلايدى قازاقپارات ءتىلشىسى.

قوشتاسۋ ءراسىمى ق ر عىلىم اكادەمياسى عيماراتىندا ءوتتى. قارالى جيىنعا الماتى اكىمى باۋىرجان بايبەك، ق ر قورعانىس ءمينيسترى نۇرلان ەرمەكبايەۆ، قايرات كەلىمبەتوۆ، عاني قاسىموۆ قاتىستى.

قالا اكىمى باۋىرجان بايبەك ق ر تۇڭعىش پرەزيدەنتى نۇرسۇلتان نازاربايەۆ پەن پرەزيدەنت قاسىم- جومارت توقايەۆتىڭ كوڭىل ايتۋ جەدەلحاتىن وقىپ بەردى.

«قۇرمەتتى كارىم قاجىمقان ۇلى! اكەڭىزدىڭ مەزگىلسىز دۇنيەدەن قايتۋىنا بايلانىستى قايعىلارىڭىزعا ورتاقتاسىپ كوڭىل ايتامىن. ول كىسى كاسىپكەرلىك قىزمەتپەن اينالىسىپ، قازاقستان ەكونوميكاسىنا ولشەۋسىز ۇلەس قوستى. ول بار ءبىلىمىن ەلىنىڭ باقۋاتتى بولۋىنا ارنادى. توپىراعى تورقا بولسىن!»، - دەپ جازىلعان پرەزيدەنت جەدەلحاتىندا.

ودان بولەك، جينالعان حالىق الدىندا بەلگىلى عالىم مۇرات جۇرىنوۆ، مەملەكەت قايراتكەرى قانات ساۋدابايەۆ، پارلامەنت ءماجىلىسى ءتوراعاسىنىڭ ورىنباسارى ۆلاديمير بوجكو ءسوز سويلەدى. سونىمەن قاتار، Nur Otan پارتياسى ءتوراعاسىنىڭ ورىنباسارى ماۋلەن اشىمبايەۆ، ق ر ەڭبەك جانە الەۋمەتتىك قورعاۋ ءمينيسترى بەردىبەك ساپاربايەۆ، وبلىس اكىمدەرى مەن تۇركيا ۇكىمەتىنىڭ وكىلدەرى كوڭىل ايتتى.

ايتا كەتۋ كەرەك، قاجىمقان ءماسىموۆ 80 جاسقا قاراعان شاعىندا كوز جۇمدى.

اۆتور: گۇلميرا عوسمانالي