اسقار مامين: بيزنەسىن اشقان ادامداردىڭ قاتارىن كوبەيتۋ قاجەت
«اكىمدىكتەر وسى باعدارلامانىڭ («بيزنەستىڭ جول كارتاسى-2020» مەملەكەتتىك باعدارلاماسى- اۆت) دامۋىنا سەرپىن بەرۋ ءۇشىن شاعىن جانە ورتا بيزنەس جوبالارىنا سۋبسديا مەن كەپىلدىك بەرۋ، قوسىمشا قاراجات ءبولۋ ماسەلەسىن قاراستىرۋ كەرەك»، - دەدى ول.
وسى رەتتە پرەمەر- مينيستر ۇلگى الارلىق مىسالدار بار ەكەندىگىن اتاپ ءوتتى.
«شىمكەنت قالاسىنىڭ اكىمدىگى سۋبسيديالاۋعا 600 ميلليون تەڭگە، ال جوبالارعا كەپىلدىك بەرۋگە 250 ميلليون تەڭگە، اتىراۋ وبلىسىنىڭ اكىمدىگى 600 ميلليون تەڭگە ءبولدى»، - دەدى ۇكىمەت باسشىسى.
اسقار مامين «اتامەكەن» ۇلتتىق كاسىپكەرلەر پالاتاسى بيزنەس مەكتەپتەردەگى وقىتۋدىڭ تيىمدىلىگىن ارتتىرىپ، ءوز بيزنەسىن اشقان ادامدار سانىن ءوسىرۋى قاجەتتىگىنە دە نازار اۋدارتتى.
«ەلباسى ءوز جولداۋىندا ۇكىمەتكە قىسقا مەرزىمدە «بيزنەستىڭ جول كارتاسى-2020» باعدارلاماسىنىڭ 2020-2025 -جىلعا دەيىنگى كەلەسى كەزەڭىن ازىرلەپ، بەكىتۋدى تاپسىردى»، - دەگەن پرەمەر- مينيستر بۇل باعىتتاعى جۇمىستى ءبىرىنشى ورىنباسارى ءاليحان سمايىلوۆقا ءجىتى باقىلاۋعا الۋدى تاپسىردى.
اۆتور: مارلان جيەمباي
