قاشاعان كەن ورنى مۇناي ءوندىرىسىن ۋاقىتشا توقتاتادى

None
None
اتىراۋ. قازاقپارات - اتىراۋ وبلىسىنداعى قاشاعان تەڭىز كەن ورنىندا مۇناي ءوندىرىسى 45 كۇنگە توقتاتىلادى، دەپ حابارلايدى قازاقپارات ءتىلشىسى.

«وسى ايدا قاشاعان كەن ورنىندا مۇناي ءوندىرۋ جۇمىستارى ۋاقىتشا توقتاتىلادى. NCOC كومپانياسى جەر ۇستىندەگى «بولاشاق» زاۋىتىندا جانە جاساندى D ارالىندا جابدىقتاردىڭ كۇردەلى جوندەۋىنە كىرىسەدى. دايىندىق شارالارى جۇرگىزىلۋدە. جوندەۋ جۇمىستارىنىڭ جوسپارلى ۇزاقتىعى - 45 كۇن. وعان NCOC- تىڭ جانە سەرىكتەس- مەردىگەرلەردىڭ 5 مىڭعا جۋىق قىزمەتكەرى جۇمىلدىرىلاتىن بولادى»، - دەپ ءمالىم ەتتى كومپانيانىڭ باسپا ءسوز قىزمەتىنەن.

ەسكە سالايىق، قازاقستانداعى ەڭ ءىرى كەن ورىن - قاشاعاندا 2018-جىلدىڭ ناتيجەسى بويىنشا مۇناي ءوندىرىسى 1,6 ەسە ۇلعايدى.

ق ر ەنەرگەتيكا مينيسترلىگىنىڭ اقپاراتىنا سايكەس، ءوندىرىس كولەمى جوسپارلانعان 11 ميلليون توننادان 13,22 ميلليون تونناعا ارتتى. 2017-جىلى مۇناي ءوندىرىسى 8,3 ميلليون توننانى قۇراعان بولاتىن. قاشاعان الەمدەگى ەڭ ءىرى مۇناي كەنىشتەرىنىڭ ءبىرى بولىپ تانىلعان. ونىڭ جالپى مۇناي قورى 38 ميلليارد باررەلدى قۇرايدى. تابيعي گاز قورى - 1 تريلليون تەكشە مەتردەن استام.

سوڭعى جاڭالىقتار